Kebutuhan Primer Bulanan 

Sanggah marsikolah SD sapari, iajari guru do dong tolu kebutuhan ni jolma: primer, sekunder pakon tertier. Kebutuhan primer aima kebutuhan dasar na terutama, songon pangan, sandang pakon papan. Tapi bani masa sonarion ididah penulis, kebutuhan primer on domma iperluas, termasuk ma ai transportasi, komunikasi pakon hiburan.

Penghasilan ta tiap bulan han parhorjaan atap badan usaha, paling lang ma boi manutupi kebutuhan primer on, na biasa iatahon kebutuhan sehari-hari. Sebagai contoh, hanami na tading i kota Bogor, paling lang mengeluarhon kebutuhan dasar on tiap bulan ni:

1. Listrik

Anggo sapari i huta mar lampu teplok/palita, semprong atap lampu gas/petromax do untuk penerangan. Bahan bakar ni sukkup minak tanoh atap kerosene do. Sonari hita mambutuhkon listrik untuk penerangan ampa pagoluhkon alat-alat elektronika. Age mambayar bulanan atap pe mamboli token isi ulang, silangan ni ma tagihan listrik nami han PLN Rp 75.000 sabulan. Ai pe malas uhur, aliran listrik tipe bolak-balik (AC), tegangan 220 volt, daya 1,300 VA, frekwensi 50 hz lang gelah byar pet.

2. Air minum

Anggo hinan i huta, bah lihou/air tawar/fresh water tading mangakkat do han bah topu. Bah nadear ai tading iporsan bai jaregen atap ijujung bai ember hu rumah. Hape anggo i  kota on pilihan ni antara mamakei bah tanoh melalui sumur atap sumur bor mamakei pompa air atap marlangganan han PDAM. Hanami marlangganan ma han PDAM Tirta Kahuripan, sekitar Rp 110.000 sabulan. Lang ongga isukkun piga meter kubik ma ai, anjaha sadia harga ni par meter kubik. Bah ni dear, lihou anjaha lang marbau, tapi ipakei nami untuk maridi pakon manussi do hassa.

3. Telepon rumah

Anggo sapari, mewah do salian telepon tene. Hita martelepon han telepon umum atap wartel do hassa, ai pe anggo ponting do. Anggo lang, kabar sukkup ipadas melalui titip pesan bai hasoman, atap surat. Halani kebutuhan, hanami tarpaksa mamasang layanan telepon rumah han PT. Telkom, ija biaya minimal tarmasuk abonemen sekitar Rp 40.000 sabulan. On, untuk layanan suara/voice do hassa on, lang tarmasuk layanan data/internet songon Speedy.

4. Telepon seluler

Telepon seluler domma jadi kebutuhan utama sonari tene, untuk komunikasi langsung jolma hu jolma. Malah nomor hand phone ni sasahalak termasuk identitas utama ma ai. Telepon na ipakei mulai hun featured phone na boi layanan voice/sms (GSM/CDMA) das hu layanan smart phone untuk data/internet (EDGE/GPRS/3G) na mamakei system operasi iOS, Android atap Blackberry. Jadi setiap saat boi ma martelepon, mangirim/menerima sms/text messenger/e-mail, browsing internet atap mang-update media sosial songon Facebook, Twitter atap pe Linked-In. Serasa memiliki warnet sendiri ma tene. Age berbentuk pra bayar atap pasca bayar, rata-rata ibutuhkon Rp 150.000 sabulan. Songon panulis, na berlangganan paket data melalui kartu Hallo Telkomsel. On lang tarmasuk biaya pulsa untuk modem/USB ase boi online i laptop.

5. Televisi berbayar

Sapari TV ta i huta hitam putih do tene, saluran ni pe TVRI do hassa, anjaha siaran ni pe gelombang terrestial do itakkap mamakei antena buluh, atap siaran han Malaysia itakkap mamakei antena TV3. Sonari TV domma layar datar, LED, berwarna, siaran gelombang UHF digital, anjaha domma bahat saluran swasta, TV nasional atap TV lokal. Agepe sonai, tong pe hanamani marlangganan TV berbayar han Indovision, siaran melalui satelit, itakkap i rumah melalui antena parabola kecil pakon receiver. Tujuan ni ase lebih jernih anjaha dapot siaran han luar negeri. Paket dasar ampa sinema ipilih nami, biaya berlangganan Rp 207,000 sabulan. Jadi isamping TV nasional, boi ma nami manonton siaran khusus luar negeri songon berita (CNN/Channel News Asia), dokumenter (BBC Knowledge/National Geography/TLC), film (Fox Movies), siaran han Australia/Korea/Rusia ampakon siaran-siaran khusus han MNC.

6. Majallah dan Koran

Marlangganan Majallah Tempo do au bulanan, biaya ni sekitar Rp 150.000 per bulan. Majallah ni terbit setiap minggu dengan berita pilihan. Tiap ari mamboli Koran Kompas do homa au i stasiun, Rp 2.000 per hari. Anggo Koran Sabtu-Minggu hargani full Rp 3.500 per hari. Jadi habis ma Rp 75.000 per bulan.

7. Gas Elpiji

Anggo sapari marmasak bai dalihan do mamakke soban atap bai kompor minak tanoh do. Hape sonari i kota harus mamake kompor gas, berbahan bakar gas elpiji (LPG-liquid petroleum gas, gas na ibuat hun pabrik penyulingan minyak). Tabung na ipakei ukuran 3 kg han distributor ni Pertamina seharga Rp 15.000 pertabung. Paling lang ipakke nami 1,5 tabung (3 tabung untuk 2 bulan), jadi porlu Rp 22.500 sabulan. On pe mardahan mamakkei rice cooker do, anjaha lang pattokahon air minum.

8. Air Minum Isi Ulang

Agepe marlangganan PAM do nami, lang pos uhur nami patokkahon teh songon na i huta. Tong do nami mamboli air minum isi ulang, Rp 3.000 per galon isi 10 liter. Lang tarboli air minum dalam kemasan atap air mineral. Bois sekitar 8 galon sabulan atap Rp 24.000. Anggo minum kopi namin diri, tading mambuat air panas mando han dispenser.

9. Boras

Anggo i huta, boras biasani boras juma atap sabah sandiri do na igilinghon i kilang padi, hassi pe sali-sali mamboli do han tiga. Anggo ijon harus mamboli han warung atap grosir beras. Hargani sekitar Rp 7.000 sa liter atap Rp 175.000 sa karung isi 25 liter. On pe lang si Ramos gat ni. Tiap bulan bois nami do 30 liter atap Rp 210.000.

10. Bolanja dapur

Anggo i huta, kebutuhan dapur songon loppahan pakon bumbu han huta do, pitah ikan ampakon minak makan/sabun do han tiga. Anggo ijon bolian do ganup. Ai pe iatur nami ma ase hemat: Senen-Jummat menu biasa ma songon ikan asin, telur, tempe, tahu ampa sayur ma. Sabtu-Minggu agak mewah songon ikan basah, ayam broiler, ayam kampung, ikan omas pakon gulei babi ma. Bumbu siak pakon bawang mahol homa, sahali mamboli saparopat ma. Anggo bumbu na lain murah do. Minak goreng pa minyak curah dape boi, lape dong minyak goreng kemasan. Sabun mandi sabun cair ma, lang sabun gadung be, sonai homa shampo. Manusi mamakei detergent ma, manusi piring pe mamakei sabun cair ma homa, sonai ge pamborsih WC pakon lantai. Porlu homa tissue ampakon pengharum ruangan. Ganupan on, silangan ni ma Rp 600.000 sabulan. Bolanja mingguan ma on i pasar atap warung.

11. Transportasi

Penulis berangkat horja naik kareta api do. Han rumah naik sepeda motor hu stasiun, bensin ni Rp 60.000 sabulan, tarmasuk mardalani ma on Sabtu-Minggu. Biaya parkir motor i stasiun Rp 60.000 homa sabulan. Biaya langganan kartu multitrip KA Commuter Line sekitar Rp 200.000 sabulan. Biaya angkot han stasiun tujuan hu kantor Rp 60.000 sabulan. Total biaya transportasi Rp 380.000 sabulan.

Biaya-biaya na i atas in lape tarmasuk biaya makan siang i kantor, jajan, man-traktir kawan. Bani na manewa rumah atap mancicil rumah, silangan ni ma homa porlu Rp 650.000 sabulan. Jadi boi ma ietong sadia jumlah pengeluaran dasar sabulan tene, lape tarmasuk biaya sandang/mamboli pakean, ai sahali sataun do. Sonai homa biaya suku cadang ampakon perawatan kendaraan lape ikira. Ongga itangar panulis, ase boi masuk ke dalam golongan negara menengah, biaya hidup seseorang silangan ni ma US$ 2 atap Rp 20.000 sadari.

Tapi ganupan tulisan na i atas in lang pitah angka atap panonjolan diri, tapi mengenai kualitas ampa standar hidup ta do, sonaha ase boi lebih meningkat. Tontu salah sada cara ni melalui marhorja secara tekun dan cerdas, ampa bekerja sama ma tene. MP