Eka Purba Iwusada Hun Sikolah Bibelvrow HKBP Lagu Boti

Malas uhur, domma saud iwisuda si Eka Magdalena br Purba Sigumonrong (Eka) hun Sikolah Bibelvrow HKBP, Lagu Boti. Mudah-mudahan podas dong tempat bani melayani sebagai Biblevrow atap Penginjil Wanita.

Eka aima boru ni Bapa Panus Purba/Inang St E br Sipayung hun Galang, Deli Sedang. Selamatma. MP

Jhon Riahman Purba Wisuda I USU

Sada hasomanta hun huta Togur, Jhon Riahman Purba (Ussok) domma saud i wisuda han Fakultas Pertanian Universitas Sumatera Utara (USU), Medan, banri ari Sabtu 31 Juli 2010 na salpu. Jurusan Sosial Ekonomi Pertanian do ibuatni sanggah kuliah, anjaha berhak ma sonari ia memakai gelar Sarjana Pertanian (SP).

Si Ussok on aima niombah paduahon ni Bapa Jinser Purba/Inang br Saragih hun Togur. Sada pemuda na ulet dan tekun do ia. Selamat ma hubani Tukang Insinyur. MP

Keterangan foto : Ussok & Keluarga

Partongahjabuan ni Benni Purba/Lidya br Damanik

Songon na domma ibaritahon parlobei, domma saud manjalo pasu-pasu partongahjabuan sada kawanta Purba hun huta Togur. Benni Purba Pakpak pakon tunanganni Lidya br Damanik ipasu-pasu i GKPS Togur, Sabtu 24 Juli 2010. Siap hussi acara gareja, ibaen ma acara adat na romban i Los Huta Togur.

Benni aima niombah sigodangan ni Bapat Jintaurat Purba/Inang br Damanik hun Togur. Sementara boru na ibuatni hun huta Sungai Buaya. Tonggohon hita ma penganten baru haduasi ase jadi keluarga na berbahagia. MP

Berita Duka Cita : Simatua ni Pdt Hendra Purba Marujung Goluh

Sada berita duka cita hubanta keluarga Purba Sigumonrong. Domma marujung goluh simatua ni Pdt Hendra Purba Sigumonrong/Bapa orang tuani Inang Ratna Boru Saragih Sumbayak. Bapa Sumbayak on marujung goluh i Bangka, Rabu 28 Juli 2010. Bakkei ni Bapa on iboan hu Pematang Siantar ari Kamis 29 Juli 2010 anjaha ijai ma ibaen acara keluarga, adat pakon gareja. Salosei acara, isuanhon ma Bapa on i Raya ari Minggu 1 Agustus 2010.

Keluarga Bapa on dokah do marianan i Batu Raja, Sumatera Selatan. Don hussi pension ia, pindah ma sidea hu Pematang Siantar. Piga-piga keluarga ni niombah tong pe marianan i Batu Raja.

Tonggohon hita ma keluarga na itadinghon ni. MP