Eka Purba Ijalo Jadi Vikar Bibelprouw i GKPS

Sada boru ni Sigumonrong, Eka Magdalena br Purba Sigumonrong (Eka) ijalo do jadi vikar Bibelprouw atap Penginjil Wanita (PW) i GKPS bani bulan Desember 2010 na salpu. Sonari ia itempathon i GKPS Indrapura i Kabupaten Asahan, Sumut.

Eka on aima boru ni Bapa Panus Purba/Inang Sy E br Sipayung hun Galang. Ia homa pahoppu ni Alm Ev. Pardamean Purba na hinan. Sikolah bibelprouw ni ibuat i Sekolah Bibelprouw HKBP i Laguboti.

Selamat bertugasma hubani Pelayan Tuhan nabaru. MP

Keterangan foto: Eka Purba (kiri) pakon kawan-kawan ni

Barita Liburan Akhir Tahun 2010 & Tahun Baru 2011

Bani masyarakat i belahan bumi bagian barat (Eropa, Amerika) pakon sebagian masyarakat Asia/Australia, panorang sekitar natal pakon taun baru i akhir Desember imanfaatkan do sebagai masa liburan (holiday seasons). Ai mase anggo pajuppah sidea biasani ihatahon sidea do “happy holiday”. Tontu tarbayang ma hita tene sonaha suasana liburan ni sidea, martuppu pakon ganupan anggota keluarga i rumah, sementara makanan-makanan khas liburan ihidangkon songon kalkun panggang, minuman susu campur telur (egnog), pnl. Sementara i darat ni rumah mulai ma turun salju anjaha lingkungan sekitar pe bottar ma taridah ibahen salju ai. Ibahen sidea ma masa liburan on sebagai intropeksi bani pardalanan goluh ni sidea sataun manipat, anjaha mampersiaphon diri mamasuki taun na baru.

Sonai ijai, beda homa i masyarakatta, terutama i Asia/Indonesia. Tontu halani i daerah tropis do hita, lang adong salju ijon. Paling ma suasana borgoh i musim parudan i bulan September-Februari. Secara umum homa masyarakatta lang adong mengenal kata “liburan”, halani marsampur do antara liburan pakon horja. Liburan do sambil marhorja anjaha marhorja do sambil liburan. Lang dong homa sipanganan na khusus ipangan sanggah musim liburan on. Untungma, deba masyarakatta martuppu do sanggah natal pakon tahun baru, sambil memanfaatkon momen ai sebagai acara keluarga, silahturahmi pakon acara gareja. I huta nami i Togur misalni, sada momen na paling berkesan setiap taun sanggah natal on ai ma makan bersama i gareja tgl 25 atap 26 Desember malam. Masing-masing keluarga mamboan indahan pakon minuman, sementara i gareja isadiahon lauk pauk berupa daging babi imasak lengkap (na idarohkon/cincang, pulur-pulur, na matah, sup, pnl). Margotong royong do homa patokkahon daging on. Sementara bani piga-piga keluarga, ibaen do acara keluarga bani malam pergantian ni tahun. Setiap anggota keluarga marsahap, padarathon unek-unek ni, mangindo maaf anjaha patugah kon rencana ni bani tahun na roh.

Hassipe lang boi mulak hu huta sanggah natal, isuha hon penulis do homa mulak hu huta bani tahun baru na salpu. Nini penulis i bagas uhur, hira-hira mar-holiday season ma homa on tene. Kebetulan, mulak do sebagian besar anggota keluarga besar nami na i perantauan, hassi pe dong do homa na lang boi mulak halani piga-piga alasan. Na mulak ai, dong ma ai mar-pesawat terbang, mar-bis, mar-travel, pnl. Masam-masam dalan tene, tapi das do ganupan i huta. Penulis sandiri, mulak hu huta tgl 31 malam naik pesawat Lion Air hun Bandara Soekarno Hatta, Jakarta. Das i Bandara Polinia, Medan sekitar jam 21:30. Langsung ma mar-taksi hu Lubuk Pakam. Ijai domma manjemput anggota keluarga, rup mar-kareta mulak hu Togur. Das I rumah jam 00:30, domma lewat masa pergantian taun. Agepe sonai, martuppu ma sakeluarga, martonggo, rup mangan lomang na malas, ikuahi sup gulei babi marbumbu lada, pakon ikan omas na iarsik. Dong homa oleh-oleh otik han Jakarta. Malas uhur. Dong homa deba lanjut bani acara pemuda i Balai Desa, Togur, das panorang pagi.

Pas bai taun baru tgl 1 Januari, marrohan ma anggota keluarga besar na legan. Sebagian, laho ma marminggu hu gareja. Halani jarang do manganhon gulei babi na pas daini i Jakarta, iputushon nami ma manayat 1 ekor babi baen pangan-panganan tumang. Igorbahon Makkela nami Saragih Simarmata (Pa-Japet) hun Marubun ampakon Panggian Purba Tambak (Pa-Erna) hun Togur, isayat sidea ma pinahan ai marborat sekitar 35 kg. Lengkap ma tongon imasak sidea: Idarohkon (tasak Silindung), ipanggang, pulur-pulur, namatah (na isikkami/hinasumba), sup, igulei pakei huning gorsing, pnl. Lang lupa homa daroh/gotah na imasak segar marbumbu, pakon bituha/atei-atei na ibolgang dob ai isayati. Rup mangan ma ganupan.

Sada na unik i Sumatera Utara, marrohan do anggota keluarga saling marsilahturami sanggah taun baru. Lengkap homa ihidanghon sipanganan songon lomang, dodol, kombang loyang, pnl. Hape anggo i daerah lain, sanggah natal do ibaen acara silahturami on, anggo taun baru pitah marlibur do hassa. Malas ma uhur pajuppah pakon marbuali sesama anggota keluarag besar pakon family ampa hasoman sahuta.

Ari-ari berikutni, marmulakan ma anggota keluarga hu perantauanni bei. Tgl 4 Januari, mulak ma homa penulis hu Jakarta, mar-kapal laut KM. Kelud ni PELNI via Pelabuhan Belawan menuju Pelabuhan Tanjung Priok, Jakarta. Ulaki marhorja bani taun na baru on dengan semangat na baru. Semoga torsa mardalan taun on anjaha boi homa ulaki mar-libur I akhir taun. Happy holiday. MP

Keterangan ni foto: Manayat pinahan i alaman ni rumah i Togur

Juni Purba Mantraktir Keluarga Na i Jakarta Markaraoke Merayahon Kelulusan S2 ni

Anggota Keluarga Purba Sigumonrong han Marubun Lokkung Naparlobei Meraih Gelar Master S2

Sada kebanggaan hubanta keluarga Purba Sigumonrong, tarlobih na hun Marubun Lokkung bahwa domma saud dong sada angota keluargatta na meraih gelar S2 (Master). Juni Sinarinta br Purba Sigumonrong (Juni) domma saud lulus ujian master hun Fakultas MIPA Universitas Indonesia (UI), Depok bani bulan Desember 2010 nasalpu. Ia mambuat jurusan Fisika Medis. Ia ma lulusan S2 na parlobei hun keluargatta han Marubun Lokkung.

Juni on aima boru sianggian ni Bapa St Sintahalim Purba Sigumonrong/Inang br Sipayung han Marubun Lokkung. Sarjana S1 ni hinan ibuatni i Fakultas MIPA Universitas Sumatera Utara, Medan. Malas uhurta. Tambahan otik, iundang Juni do piga-piga hanami na i Jakarta mar-karaoke merayahon kelulusanni ai. MP

Natal 2010: Toleransi Berbangsa, Imulai Hunbani Lingkungan Masyarakat Sekitarta

Hubanta na marianan i perantauan, tontu sada hamalas ni uhur do anggo boi hita manjaga kerukunan pakon toleransi sesama warga, tarlobih ma ai hubani hasomanta na marbeda keyakinan (beda agama atap aliran/denominasi) atap beda suku. Pasti dong do hitaon na marpengalaman lang marsiseian pakon tetanggatta, na kebetulan marbeda keyakinan. Mungking keadaan ai lang isengaja atap lang dong hubunganni pakon beda keyakinan, tapi pasti do dong prasangka i bagas uhurta tene. Mudah-mudahan kerukunan tingkat lokal on boi mendukung kerukunan i tingkat nasional hita na sabangsa.

Sada kebetulan, ibaen Tuhan do sada keunikan hubani Bangsa Indonesia, rakyat ni terdiri dari beberapa agama, suku, ras, golongan, pnl. Boi iatahon sebagian besar lang pilihan hidupta atap hita na menentuhon ai, tapi sibere-bere ni Tuhan do hubanta. Tinggal sonari sonaha hita boi menghadapi perbedaan ai secara arif dan bijak. Nini Menteri Perhubungan Freddy Numberi sanggah acara Natal Kementerian Perhubungan bani 20 Desember 2010 na salpu: “Lang harosuhhu itubuhkon sebagai halak Papua, anjaha lang harosuhmu itubuhkon jadi halak Aceh, Batak, pnl. Tapi sibere-bere ni Tuhan do ai”.

Malas ni uhur name na i lingkungan sekitar rumah i Jakarta, dear do toleransi nami na martetangga. Kebetulan sidea maragama nalegan. Sanggah sidea merayahon perayaan agama ni, manaruhkon sipanganan do tong sidea. Bayanghon hita ma, dong 7 keluarga i sekitar lingkungan ai, dong ma 7 jenis makanan itaruhkon sidea i rumah. Sanggah Natal 2010, ibaen nami ma otik balasan. Balasan on marhitei mambaen acara memanggang (grill ) bersama anjaha makan bersama i kompleks ai bani tgl 26 Desember 2010 na salpu. Sibuk do na si Inang i kompleks nami ai marbolanja, manggiling bumbu pakon marmasak. Sasaranni, isediahon name ma 12 ekor ayam, lengkap pakon sambal ampa lalapan. Sibuk ma ganupan kipas-kipas bai panggangan ai. Kebetulan, halani martanding do tim sepak bola Indonesia vs tim sepak bola Malaysia i Piala AFF, ilanjuthon nami ma jadi acara nontong bareng. Sayang team kesayanganta kalah panorang ai. Tapi, tujuan utama acara ai tercapai do. Selamat Natal ma hubanta. MP.