Ibaen hita otik serial tulisan penambah semangat pasal prestasi kecil anggota keluargatta.
Pdt Hendra Purba,SSi (Pendeta HKBP Ressort Pasaman, Sumbar)
Tanggal 4 Desember 2011 na salpu ibaen Huria Kristen Batak Protestan (HKBP) ma peringatan Jubileum 150 tahun i Stadion Utama Gelora Bung Karno, Jakarta. Acara on ihadiri puluhan ribu jemaat HKBP, anjaha ilayani Ompui Ephorus HKBP, Parhalado Pusat, Praeses, pakon ratusan Pandita. Sanggah pemberian berkat, marbaris ma pandita ai mangalilingi stadion, menghadap hu jemaat. Ipardiatei, terselip do hape 1 anggota keluarga Purba Sigumonrong iantara pandita-pandita ai, ai ma Amang Pdt. Hendra Purba, SSi. Malas uhur, sore ni roh do homa Presiden Yudhoyono pakon tokoh-tokoh nasional menghadiri acara on. Kebanggaon do tene bai Amang Hendra on, boi eksis i lobeini Presiden RI.
Dob marsahapi pakon Amang ai, ipatugahni ma lang hape instant hape ase boi das hu tahap na sonai, tapi penuh dengan perjuangan dan pengorbanan. Tammat SMA tahun 1992 soppat do manganggur ia 2 tahun halani masalah test PTN pakon biaya. Baru tahun 1994 ia boi mulai kuliah i Universitas Kristen Duta Wacana (UKDW) Yogyakarta.
Kuliah on pe ia modal minim do salian. Berangkat han Medan pe naik bis do hu Jogja, anjaha i Jogja pe manumpang do i rumah ni keluarga. Ongga sahali pajuppah au pakonsi i Jogja, mekkel ma au halani mar lereng do ia hu kampus. Bani sada panorang musim liburan, hundul-hundul ma ia i kampus. Ididah dekan ni ia hundul, isukkun mase lang mulak hu huta liburan. Ibalosi Amang Hendra ai dear, anjaha nini Dekan ni ai, tading ma ho i rumahku nini. Ijai ma ia mondok sampai tammat kuliah. Sanggah kuliah ai ia, aktif do homa ia bani kegiatan kampus ampa gareja. Sada kebanggan, soppat do ia ikirim hu Prancis mengikuti pertemuan pemuda Kristen sedunia tahun 1998. Ia ma par Togur- Marubun Lokkung na parlobei mandogei tanoh Eropa. Bonjour!
Masalah lape selesai. Tahun 2002 lulus ma ia han UKDW. Sayang, piga-piga gareja menolakni sebagai calon pendeta halani alasan umur pakon na legan. Soppat ma ia lontang-lanting 2 tahun i Marubun Lokkung pakon Medan. Tahun 2004 pajuppah ma ia pakon kawan ni hinan i Pulau Jawa boru Saragih Sumbayak han Batu Raja Palembang. Tahun 2005 marjabu ma sidea, anjaha tading i Tarutung, Tapanuli Utara, halani ijai do Inang ai dosen i Sekolah Tinggi Agama Kristen Protestan.
Tahun 2006 dong lowongan calon pendeta i HKBP, anjaha ijalo ma ia gabe vikar pendeta. Itempathon i Departemen Kerohanian Kantor Pusat HKBP, Pearaja, Tarutung. Bani bulan Maret 2009 itahbiskon ma ia gabe pandita bani acara penahbisan na ipimpin Ompui Ephorus HKBP, marianan i HKBP Cilegon/Serang. Roh do piga tokoh bani acara penahbisan ai, songon Bapak Luhut Panjaitan, mantan Menteri Perindustrian dan Perdagangan RI. Malas uhur, jadi do hape Amang Hendra gabe pandita, 15 tahun kemudian setelah mulai kuliah Theologia hinan, anjaha ia ma salah sada Putra Simalungun na gabe pandita i HKBP. Hassi pe dong otik pusok ni uhur halani lang soppat ididah orang tua ni ia ilantik. Bapa St Zakaria Purba, mantan Parhanger GKPS Marubun Lokkung domma parlobei ialop Tuhanta tahun 2006. Inang S br Payung ialop Tuhanta bani bulan Januari 2009, 2 bulan nari paima ilantik ia. Tapi domma soppat ibogei Inang ai rencana pelantikan ai, anjaha mudah-mudahan ipatugah ni bani Bapa na idapoti ni ijai.
Tahun 2010 itempathon ma Amang Pandita on gabe Pandita HKBP Ressort Persiapan Pasaman, Sumatera Barat. Anjaha tahun 2011 ikukuhkon ma gareja ai gabe Ressort anjaha Amang Hendra ma na gabe pandita ressort. Dobni, iundang ma ia hu acara na i Senayan songon na itoranghon na parlobei hinan.
MP
