Rencana Partongahjabuan ni Benni Purba

Sada hasomanta, Benni Purba Pakpak, hun huta Togur, berencana do laho marjabu. Calon ni na beruntung ai aima br Damanik, hun huta Sungai Buaya. Rencana pamasu-masuan ari Sabtu tgl 24 Juli 2010 i GKPS Togur. Tonggohon hita ma. MP

Pardalanan hu Kota Cilacap pakon Pulau Nusa Kambangan

Piga-piga bulan dob hussi acara touring sepeda motor na salpu, berangkat ma hanami kawan-kawan kantor touring ulakkon bani ujung ni Mei 2010 ondi. Tujuan touring sahalion aima Cilacap (Jawa Tengah) pakon Pulau Nusa Kambangan. Majangin do namin mambogei ai tene, marsepeda motor ratusan kilo meter lintas propinsi, anjaha das homa hu Pulau Nusakambangan na terkenal sebagai penjara bani terpidana kelas kakap i Indonesia on. Tapi halani domma dong pengelaman nami otik touring jarak jauh hinan (hu Garut, Jawa Barat), pak do nami. Kebetulan i jung ni bulan Mei ai dong libur ari Jummat, jadi lebih bahat ma waktu na tersedia.

Ari Kamis borngin jam 21:00 WIB, martuppu ma nami i titik kumpul, i lobei ni Mall Metropolitan Bekasi. Total sekitar 9 sepeda motor, dong motor jantan, dong homa motor bebek. Dob hussi briefing anjaha martonggo, berangkat ma nami menuju Purwakarta, menyusuri jalan Pantura (Pantai Utara) melewati Cibitung, Cikarang, Karawang pakon Cikampek. Baru pe sahalin on penulis ongga menyusuri dalan on, halani biasani lewat jalan toll Cikampek do anggo naik bis atap mobil. I Cikampek on ma ujung ni jalan toll, anggo torus hu timur, menuju Indramayu, Cirebon pakon Semarang ma. I Cikampek on, marbelok ma nami hu selatan menuju Purwakarta (Kabupaten Purwakarta, Jawa Barat). Marsaran ma nami tokkin ijon, sekitar jam 24:00 WIB, mangisi bensin.

Lewat Purwakarta, masuk ma nami hu kota Subang (Kabupaten Subang, Jawa Barat). Soppat do nami bingung menentuhon dalan berikutni, halani dong pertigaan ijon (hu Bandung, Sumedang pakon Cirebon). Dob hussi manukkun polisi, iarah hon side ma nami mambuat arah hu Sumedang, tapi holi dong pertigaan i buat hu arah Majalengka. Sanggah melewati pinggiran Kabupaten Sumedang on jam 04:00 WIB subuh, bocor ma sada sepeda motor ni kawan nami. Tarpaksa ma hanami marsaran, paiman pagi, paima hon tukang tambal ban buka. Lumayan boi papitpithon mata otik. Sekitar jam 06:30 berangkat ma nami menuju kota Majalengka (Kabupaten Majalengka, Jawa Barat), anjaha das ma 30 menit kemudian. Melintasi bagian hanopan ni kota, terus ma nami bergerak hu arah pegunungan i Selatan melewati Maja, Cikijing pakon Kawalu. Maborgoh do salian nahojap, anjaha naidahma, sonaha subur ni Jawa Barat marhitei sabah-sabah na menghijau. Salpu hussi mendaki, menurun ma nami, berkelok-kelok manlewati dalan na dear salian, anjaha jam 12;00 WIB das ma nami i kota Ciamis (Kabupaten Ciamis, Jawa Barat). Dob hussi mangan siang, bergerak ma nami torus hu selatan, memasuki kota Banjar (Kota Banjar, Jawa Barat). Melewati kota Banjar, masuk ma nami hu Propinsi Jawa Tengah, aima Kabupaten Cilacap (Majenang, Karang Pucung), anjaha masuk otik hu Kabupaten Banyumas (Wangon). Lewat Wangon otik, marbelok ma nami hu kanan menuju Desa Kesugihan (i Kabupaten Cilacap). Ijon ma nami marborngin i rumah ni kawan. Total pardalanan nami sekitar 450 km, memakan waktu 14 jam pardalanan. Dob hussi makan malam, cerita-cerita, modom ma nami mokkor, loja salian. Rencana patarni domma iatur.

Pagi-pagi girah, puho ma nami anjaha sarapan pagi. Tarpaksa nami girah marsia-siap, halani mabiar hatadingan ferry penyebrangan hu Pulau Nusa Kambangan. Jam 07:00 WIB beregerak ma nami memasuki kota Cilacap. Kota Cilacap on rapi anjaha borsih do salian. Biasani panas do salian suhu ni ijon, tapi halani musim udan do sonari, sejuk do suhu ni. Kota on terletak i pantai selatan Pulau Jawa, i topi ni Samudera Indonesia. Piga-piga industri dong i kota on, songon kilang penyulingan minyak (refinary Pertamina), PLTU, pakon pabrik semen Holchim. Pelabuhan ni na terkenal aima Tanjung Intan. Halani dong Pulau Nusa Kambangan i dipar ni Kota Cilacap on, terlindung do kota on anjaha lang pala iterpa gelombang besar. Puas menikmati kota, masuk ma nami hu dermaga penyebrangan menuju Cilacap. Dermaga pakon ferry penyebrangan on ikelola Departemen Kehakiman do, lang ASDP atap Departemen Perhubungan, halani khusus igunahon untuk pengelolaan lembaga-lembaga permasyrakatan na dong i Nusa Kambangan. Masyarakat umum lang bebas memasuki pulau on, harus do mangindo izin. Dob salosei perizinan anjaha antri, naik ma nami hu atas ferry. Etek do salian ferry ni on, hira-hira muat 2 mobil, 10 sepeda motor pakon sekitar 30 halak penumpang.

Pulau Nusakambangan dohor do salian hun Cilacap, taridah do pulau on. Dob hussi berlayar sekitar 10 menit menyebrangi selat, das ma nami i Nusa Kambangan ai. Dob hussi melewati pemeriksaan na ketat, boi ma nami melanjuthon perjalanan mar sepeda motor. Pulau Nusakambangan on domma i pakei Belanda hinan sebagai ianan ni penjara. Dob hussi kemerdekaan, ilanjuthon pamarentah ma menggunahon pulau on sebagai penjara. Seng dong perumahan penduduk ijai. Dong penjara na lama na lang be i pakei, anjaha dong homa penjara na baru na i pakei. Menurut pengalaman ni penulis, dong do lebih hurang 7 penjara (Lembaga Permasyarakatan - LP) ijai, mungkin berbeda-beda fungsi pakon ketat penjagaan ni. Contohni LP Terbuka, LP Batu, pnl. Rapi anjaha keat do penjagaaan ni ganup penjara ai. I dingat hita tene, piga-piga figur terkenal itahan do ijon, termasuk ma ai terpidana korupsi pakon teroris. Secara alamiah, datar do pulau on i bagian pesisir, anjaha berbukit i tongah-tongah. Panas do salian ijon. Sekitar 30 menit berkendaraan, das ma nami ijungni pulau on i pantai bagian selatan. Pantai on gati do ipakei pasukan khusus ta (Kopassus) sebagai tempat latihan. Sekitar jam 2 siang, menyebrang ma nami mulak hu Cilacap.

Bornginni, lang lupa nami menikmati makan malam i pantai Teluk Penyu i kota Cilacap on. Pantai wisata na jenges do Teluk Penyu on, ihiasi deburan ombak Samudera Indonesia. Lampu-lampu kapal na marlego jangkar taridah berkelap-kelip i tongah laut. Bosur ma nami menikmati ikan bakar, udang goreng, kepiting asam manis, sup ikan pakon loppah cah kangkung. Lang homa lupa mamesan es kelapa muda. Girah ma nami modom, persiapan tenaga perjalan jauh patarni. Sekitar jam 6:30 patarni, berangkat ma nami mulak hu Jakarta, manlewati jalur selatan Pulau Jawa : Cilacap-Jeruk Legi-Sidareja-Wanareja-Banjar-Ciamis-Ciawi-Malangbong. Menghindari kemacetan i tanjakan Nagrek, belok kanan ma nami i Malangbong on melwati Wado-Sumedang-Cisalak-Wanayasa-Purwakarta, anjaha torus hu Jakarta. Loja, tapi malas uhur, marhorja ulaki patarni. MP.

Keterangan foto : Ferry penyebrangan ke Pulau Nusakambangan. Pulau Nusakambangan kelihatan di kejauhan

Jolma-jolma Sapari

Bani masyarakatta i huta, sonai homa bani halak Batak secara keseluruhan, ihormati anjaha mendapat tempat na khusus do jolma na domma matua. Lang ibagas keluarga inti tumang, ganupan do jolma parhuta hormat bani jolma na matua on. Bani tahin 1980-an pakon 1990-an, secara khusus ibere do perhatian hubani namatua salian, hira-hira na umurni lobih humbani 70 taun. Iatahon do sidea jolma-jolma sapari.

Mungkin ase iatahon jolma sapari, mangingat sidea hidup sapari hinan (mulai berkeluarga tahun 1930-1940 an). Sesuai kondisi zaman ni, sederhana do kehidupanni sidea, ibandinghon jolma na hidup i masa sonari. Bahat dope budaya pakon tindakan ni sidea na isesuaihon hubani alam pakon hal-hal na bersifat mistis. Tapi sada kelebihan ni sidea, marhitei holong ni Tuhan, bahat do na ganjang umur ni sidea. Bahkan, dong do namencapai 90-100 an tahun. Sada na mahol salian nilai ni bani halak Indonesia sonari on. Marujung goluh sayur matua ma sidea, marhoppu-marnono lengkap.

Sanggah mulak penulis nabaru-baru on hu huta, pajuppah do pakon oppung humbani Inang (Inang i rumah ni alm St. Tuppak Ginting, boru Purba Tambak) i Pakam. Domma marumur 96 tahun oppung on. Hassipe domma lemah i secara fisik anjaha bahat ma ingatanni na lang dearbe, tapi secara umum sehat pe ia. Bapa i rumah ni hinan domma marujung goluh bani tahun 1992 na salpu. Humbani 6 niombahni, 5 nari namanggoluh. Domma mar-nini Oppung on (marhoppu humbani pahoppu). Berarti domma dong generasi ke-5 ni. Luar biasa.

Bahat do hal-hal pakon kebijakan (wisdom) na boi ipelajari hita humbani jolma- sapari on. Secara umum, ganupan jolma sapari dong do 1-2 keahlian khususni. Oppung on misalni, pandei hinan do mangalut (jolma nabaggal pakon anak-anak) nahussal pakan natarsidir, sonai homa mambere tambar huta-huta. Bapa hinan i rumah ni, pandei do mambaen jala manakkap ikan pakon anrip (kelelawar), mambuat pulut ni torop manakkap manuk-manuk, pakon manuan timbahou. Sonai do homa oppung-oppung nalegan. Mungkin, perlu do ipelajari hita cara hidup pakon sipanganan ni sidea, ase boi songon sidea hita homa. Memang, goluh ni jolma Tuhanta do na manottuhon. Tapi ibere Tuhan do hubanta pikkiran na dear, na boi marlajar humbani pengalaman-pengalaman. Panjang umur ma hubanta haganup. MP

Berita Duka Cita : Kasmen Purba Sigumonrong Habaluan

Sada berita duka cita han huta Togur, marujung goluh do Inang i rumah ni Bapa Kasmen Purba Sigumonrong i Medan, piga-piga ari na salpu. Inang on isuanhon i Marubun Lokkung.

Bapa Kasmen Purba Sigumonrong on aima salah sada tokoh i Marubun Lokkung, niombahni alm Bapa Imat Purba (Oppung Kehutanan). Sadokah ni on, i Medan do sidea marianan. Inang on manadinghon 3 niombah. Turut berduka cita ma hita anjaha tonggohon hita keluarga na itadinghonni. Jhonni Purba, Marubun Lokkung.

Berita Duka Cita : Esni br Purba Sigumonrong Marujung Goluh

Songon na domma ibaritahon hinan, boritan do sada boru ni Sigumonrong, Esni br Purba mulai bulan November 2009 na salpu. Nini dokter namanambari, mengalami stroke do gan amboru on.

Ibagas rencana ni Tuhanta, domma marujung goluh amboru ai anjaha mulak hu lambung ni Tuhan, bani ari Kamis pagi tanggal 20 Mei 2010 nasalpu, i Togur. Dob hussi ibaen acara keluarga pakon gareja, isuan ma i sore ni i Pargambirian Topi Pasar, Togur. Sedih do salian keluarga, mangingat bahat kenangan na itadikkon amboru on, sonai homa perjuangan hidupni age sanggah sehat hinan, rossi sanggah boritan.

Esni br Purba on aima boru ni Bapa Alm Ev. Pardamen Purba/Inang br Sipayung ondi (hun Galang) anjaha botou ni Bapa St. Johannes Purba/Inang br Saragih. Sanggah marujung goluh ia, lape dong marhajabuan. Ia manadinghon 2 botou dalahi anjaha 2 saninan naboru, piga-piga keponakan (parmaen, niombah) anjaha 3 pahoppu humbani keponakan. Tonggohon hita me keluarga na itadinghonni. Juli Purba, Togur.

Berkunjung Ke Myanmar, Kembali Ke Masa Lalu

Tanggal 19-22 Mei nasalpu, berangkat do penulis tugas kerja hu Yangon, Myanmar. Sapari hinan Myanmar on margoran Birma (atap Burma), anjaha kota Yangon on hinan margoran Rangon.

Halani lang dong perusahaan penerbangan Indonesia na terbang hu Myanmar, tarpaksa ma penulis naik Singapore Airlines hu Singapura, anjaha naik Silk Air hun Singapure hu Yangon. Dong do naming pilihan na lain songon Malaysia Airlines via Kuala Lumpur, atap Thai Air Lines pakon Air Asia via Bangkok.

Rabu 19 Mei jam 0900 WIB pagi, berangkat ma pesawat nami, Boeing 777 seri 300 Singapore Airlines menuju Singapure. Pandei do salian perusahaan penerbangan ni Singapure on mangembanghon bisnis, marhitei mangeoperasihon pesawat berbadan lebar na mampu mengangkut 250 penumpang, anjaha gok. Halani bahat do halak Indonesia i bagas, pengumuman i bagas pesawat ibaen ibagas 2 bahasa (Inggris pakon Indonesia), jadi terasa naik perusahaan penerbangan Indonesia do diri. Piga-piga perusahaan penerbangan na lain memakai Boeing 737 do hassa. Sekitar 1 jam 25 menit, das ma nami i bandara Changi, Singapura. Transit sekitar 2,5 jam, berangkat ma nami hu Yangon naik pesawat Airbus A-320 Silk Air. Penerbangan on memakan waktu sekitar 2 jam 55 menit. I bagas pesawat, bahasa Inggris do hassa ibaen mambere pengumuman, tapi gatni iarusi ganupan penumpang do. Sekitar jam 1600 sore waktu setempat (30 menit lebih lambat ibandinghon WIB), mendarat ma nami i Yangon International Airport. Bangunan bandarani baru anjaha modern do, hassipe lang sai baggal, anjaha lang sai bahat pesawat i bandara ai. Lang songon negara-negara ASEA nalegan, porlu do visa laho memasuki Myanmar, agepe sesama warga negara-negara ASEAN. Visa boi iurus on arrival atap I kantor kedutaan besar ni sidea.

Dob salosei clearance imigrasi pakon pabean, pajuppah ma penulis pakaon perwakilan perusahaan langganan na menjemput. Naparlobei taridah, bahat do na marabit/marhiou kain sarung, age naboru sonai homa dalahi. Memang budaya ni sidea do sarungan on. Menurut sejarah, han Tibet do hinan asal-muasal ni penduduk Myanmar on (halak Birma), hassipe bahat do roh pendatang hun India, Bangladesh, China anjaha Thailand (negara-negara tetangga ni sidea). Bahasa ni pe naidah perpaduan bahasa China pakon India. Selain suku Birma, bahat do suku-suku minoritas nalain ijon songon suku Karen pakon suku Rohingya. Agama mayoritas Budha do ijon, anjaha sidea mar-ibadah I Pagoda. I kota Yangon on, marianan do pagoda sibaggalan I dunia (Pagoda Shwedagon) na ibagun sekitar 2,500 tahun na salpu. Ihormati do salian bhiksu ijon, anjaha calon bhiksu domma ididik mulai dakdanan nari. Selain Budha, penganut Islam, Kristen Protestan/Katholik pe bahat do ijon. Bahat do gareja I Yangon, songon Gereja Katholik pakon Gereja Baptis, sonai homa mesjid.

Birma sapari ijajah Inggris hinan do. Ai mase bahat do pendudukni naboi berbahasa Inggris. Papan nama iklan pe marbahasa Inggris do, isamping ibagas bahasa/huruf Myanmar. Kota Yangon pe hinan itata sesuai sistem ni kota-kota Inggris do, mar-blok. Bangunan-bangunan tua sisa kolonial pe bahat do ijon. Tahun 1945-1964 (dob hussi merdeka) termasuk negara ma paling maju di Myanmar on I Asia Tenggara. Pamimpin naterkenal ijon aima Aung San (mantan Presiden) pakon U Tanh (mantan Sekretaris Jenderal PBB). Tahun 1964, iambil alih mileter ma (Jenderal Ne Win, isusul Jenderal Tan Shwe) kepemimpinanni negara on. Ipakeima sistem milieter anajaha songon tertutup do negara on. Nini negara-negara barat, hurang demokratis do negara on. Militer do na bahat menjabat i pemerintahan. Isuba sidea do manguba sistem on marhitei tokoh-tokoh reformis songon Aung San Su Kyi, hassipe lape berhasil (hona tahanan rumah do Ang San Su Kyi on).

Mungkin ibaen kondisi politikni negara on, agak tertinggal do perekonomianni negara on, sonai homa keadaani infrastuktur. Mobil-mobil pakon taksi i dalanan nadokah do ganupan, mungkin buatan 1980-an. Jadi hira-hira songon mobil-mobil i Jakarta hinan ma songon na ibagas film ni Warkop. Nini sidea, mahol do ibaen pamarentah pajak masuk ni kendaraan. Kondisi ni listrik pe sonai do, gati-gati matei. Ai mase bahat do gedung-gedung namamekei genset. Pengguna handphone hun negara lain, lang boi mamakei hanphone (roaming) ijon, jadi tarpaksa mamboli kartu chip Myanmar. Songon na mundur ma waktu (kembali ke masa lalu) ma nahojap sadokah i Myanmar on. Lang na botoh sonaha kondisi perekonomian masyarakat ni sidea, terutama na i desa-desa.

Tapi agepe sonai, dong do piga-piga hal positinip ijon, terutama humbani masyarakatni. Ramah-ramah do salian masyarakatni. Naidah ai, tinggi do naming semangat ni sidea membangun, tapi lape idikung system politik pakon pamarentahni. Tingkat penguasaan Bahasa Inggris ni sidea na lumayan ai pe sada asset do. Mudah-mudahan ma dong perubahan na boi mambere pengaruh na dear hubani masyarakat ni sidea. Sada na lucu, mardemban do homa jolma ijon, age dalahi. Pas songon halak Batak pakon suku-suku na lain i Indonesia tene. Hassipe sidea marjual demban, domma na iattupi, lang songon hita, demban ratah do hassa. MP.

Keterangan foto : Penulis i Shwedagon Pagoda, Yangon