Songon barita na itulishon bai bulan nasalpu, domma saud manjalo Pamasu-masuan parrumahtanggaon Dessi Nathanael Purba Sigumonrong pakon boru Sianturi i GKPS Marubun Lokkung. Siluk hossi dob pesta pamasu-masuan, ibaen ma acara adat naromban i los Tiga Marubun Lokkung. Mariah do pesta ai.
Dessi aima niombah ni salah sada tokoh i Marubun Lokkung, aima Bapa Samen Purba Sigumonrong/Inang Bidan Marenta br Saragih, anjaha pahoppu sibaggalan ni Alm Bapa Imat Purba ondi (Oppung Kehutanan). Dob hussi pesta ai, mulak ma sidea natarpasu-pasu hu hutani i Batam. Malas uhurta anjaha turut berbahagia ma. MP.
