Kira-kira dua minggu na salpu, ikirim HRD do surat elektronik (electronic mail-email) hubani ganup karyawan i kantor nami. Isini, anjuran ase ganup karyawan mamake baju batik ari Jummat tgl 2 Oktober 2009. Latar belakangni, bai ari ai itetaphon Badan PBB mengenai kebudayaan-UNESCO ma batik manjadi sada warisan kebudayaan dunia (world heritage).
Bangga do namin penulis, tapi parlobei lang dong niat marbatik. Mela diri anjaha pangahap songon nalaho marpesta. Kebetulan hanami seng homa PNS na biasa marbaju batik setiap Jummat. Tapi dob hussi roh Direktur Utama nami markaliling anjaha mangkatahon patar marbaju batik hita nini, siluk ma penulis laho mandarami baju batik ai i toko, halani lang dong baju batik tangan pendek. Untung ma dong juppah i Matahari Dept Store, Atrium Senen.
Patarni, ipakei ma tongon baju batik on. Luar biasa, hampir ganup hasoman i kantor marbaju batik, sonai homa jolma i dalan. Baju on enak ipakei anjaha dingin i akkula. Pemberitaan i media pe luar biasa. Tarsadar ma penulis akan kebesaran ni Bansa Indonesia. Hassi pe tongon batik on berasal hun Jawa do tene - Pekalongan, Solo, Jogja -tapi domma manjadi milik nasional. Hita halak Batak pe tene, biasa do marbatik i parpestaan pakon i parmingguan. Mudah-mudahan, dong homa unsur budaya ni Halak Batak na boi iakui gabe kebuduyaan nasional anjaha kebudayaan dunia. Batik dan Batak, bisa! MP.
