Anggo laho diri hu lapo tuak, rup mandoding pakon hasoman-hasoman han Toba, idodinghon do homa lagu Simalungun. Tapi, sada lagu dassa biasa ni ibotoh sidea : Pos Ni Uhur Mai. Iputar VCD Lagu-lagu Batak songon Albumni Charles Simbolon pakon Victor Hutabarat, lagu ai dassa do homa tong kaluar. Bangga anjaha sedih do namin diri. Bangga halani ibotoh sidea do homa doding Simalungun, tapi sedih, halani sada lagu dassa lagu Simalungun humbani puluhan lagu na idodinghon.
Muncul sukkun-sukkun : mase ma lagu Pos Ni Uhur Mai dassa na ibotoh ? Mungkin tene, halani teks/syair ni na gampang idingat, arti ni bermakna, anjaha musik ni mirip pakon Lagu Toba, boi lincah anjaha doras bersemangat idodinghon. Hape, bahat nari dape namin lagu-lagu lama ni Simalungun na terkenal salian i Simalungun songon Serma Dengan-dengan, Gambiri Topi Pasar pakon Dideng-dideng. Dong dope homa Taur-taur ni Simbandar. Tapi, i Simalungun do hassa tarbogei on.
Sonaha lagu-lago pop modern ? Hampir do lang adong lagu-lagu pop ni Simalungun na boi idodinghon sub etnik na lain, palingma halak Simalungun do hassa na boi mandodinghon. Bangga do hita, dong piga-piga artis muda Simalungun na kreatif songon Jhon Daliaman Saragih, Jon Kariando Purba pakon Damma Silalahi. Sanggah baru mulak penulis hu huta tahun 2000 salpu marsikolah 6 tahun i Ambon, bangga anjaga megah do salian penulis mambogei lagu Modal Holong pakon lagu lagu na lain hun album ni Lae Saragih ai. Sandokah i perantauan, lagu-lagu Toba do hassa idodinghon, mulai humbani lagu-lagi ni Guru Nahum Sitomorang, piga-piga trio songon Trio Maduma pakon Nainggolan Sister, pakon artis-artis naboru songon Christine Panjaitan, Joy Tobing, pnl. Namin tene, muncul ma homa artis pakon group hun daerahta, na mamboanhon doding Simalungun, na terkenal anjaha idodinghon msyarakat subs-sub etnik Batak na lain.
Jadi porini, anggo laho hita mar-karaoke, juppah hita ma lagu-lagu Simalungun bai song list ni karaoke ai. MP.
Keterangan foto : Anggota Keluarga Sigumonrong pakon Keluarga Sipayung mandoding bai sada pesta i Yogyakarta. Agepe doding ai merap dob ni, pak do gelah hu lobei.
