Sada malas ni uhur itongah-tongah ni keluarga Purba Sigumonrong na hun Marubun Lokkung, sada anggota keluarga domma mambaen rencana partongah jabuan. Dessi Natanael Purba rencanani ipasu-pasu ma pakon calonni br Sianturi hun Cipayung, Jakarta Timur. Rencana ni pesta pamasu-masuan ibaen i GKPS Marubun Lokkung bani ari Sabtu 14 November 2009, irik pesta adat na gok. Acara martuppol iadongkon i HKBP Cipayung Jakarta Timur bani ari Sabtu 24 Oktober 2009.
Dessi Purba aima niombah sibaggalan humbani Bapa Samen Purba/Inang M br Saragih. Ia lulusan humbani Fakultas Ekonomi Universitas Jayabaya, Jakarta. Sonari marhorja i Batam (perwakilan hun Jakarta).
Haganup keluarga besar Sigumonrong termasuk na i Jakarta marmalas ni uhur. Tonggohon hita ma. MP
