Ibagas minggu on, dong dua barita duka han hutatta.
Parlobei ma ai, Oppung br Sipayung (Ny. Barus) i Pematang Siantar marujung goluh, ikubur tanggal 21 Juli 2009 na salpu. Oppung on aima Inang Tongah ni Bapa St. Johannes Purba hun Togur, aima adek kandung ni Oppung Tamalonim br Sipayung ondi (Ny. Ev. Pardamean Purba ondi). Bannami hoppu ni Oppung Pardamean ondi, ingat do salian hubani Oppung Siantar on, halani rupani mirip salian pakon Oppung Boru nami ai, tapi hun bottar otik. Dong do otik cerita lucu mengenai sidea nadua. Laho ma hinan keluarga ni Oppung Pardamean ondi hu Saran Padang, hu rumah ni Tondong Sipayung, laho manukkun boru ningon. Na itaksir Oppung Pardamean on hinan, Oppung Siantar on do, halani jengesan ma ra rupani. Tapi halani kaka ni pe lape marjabu, lang ibere Tondong Sipayung marjabu lobei Oppung Siantar on, tapi kaka ni ma iberehkon hubani Oppung Pardamean on, aima Oppung Tamalonim br Sipayung ondi. Halani seng ai rosuhni, seng pot Oppung Pardamean on, gariada manggila ia. Nini barita ai, soppat do laho itagil Oppung Pardamean ondi Oppung Tamalonim ondi halani gilani, jadi tarpaksa ma Oppung Tamalonim ondi ibaluti ibagas amak. Hassi pe dobni, marjabu do sidea dear.
Lima (5) hinan do Oppung Siantar on marsanina, sonari dua (2) mando namanggoluh. Nadomma marujung goluh aima Oppung br Sipayung na i Dolok Maraja (Ny. Damanik), Oppung Tamalonim br Sipayung (Ny. Ev. Pardamean Purba Sigumonrong), pakon Oppung br Sipayung (Ny. Barus). Natading manggoluh aima Oppung Pa-Markus Sipayung i Saranpadang (mambuat br Perangin-angin) pakon Oppung Ny. Sipayung i Bedagai. Hebat-hebat do niombah na itadingkon Oppung on, anjaha dua helani jadi pandita do i GBKP pakon i GKPI.
***
Barita duka napaduahon aima Bapa Sembiring hun Jaharun, Galang. Bapa on aima simatua ni Juli Purba/br Sembiring (adekni Tulangni). Domma dokah boritan hinan bapa on.
Bani dua barita na i atas, haganupan Keluarga Purba Sigumonrong turut berduka cita. Baen hita ma kenangan tentang sidea sanggah manggoluh bermanfaat bai goluhta. Andohar homa keluarga na itadinghon podas terhibur.
