Dalam rangka menyambut musim panas (musim kemarau) 2009 anjaha ibagas suasana liburan sikolah, laho do hanami mardalani hu Pantai Pangandaran, Jawa Barat. Alasan nami mamilih tujuan wisata Pangandaran on, halani jenges do gan pantai barita ni ibogei hanami, anjaha jarak ni hun Jakarta sedang homa.
Jummat tgl 3 Juli 2009 jam 09:00 malam, berangkat ma hanami hun Jakarta 4 halak : Benni, Hakim, Mikael pakon Bertha Purba. Iisi hanami ma mobil bai perlengkapan secukupni, termasuk ma ai air minum mineral, makanan i dalan, peta pakon jadwal acara. Lape daoh mardalan, isambut macet ma hanami i jalan tol Cikampek. Jam 11:00 borngin das ma hanami i Bekasi, manjemput keluarga Simanjuntak : Radot, Rio, Restu pakon Oppung Ny.Simanjuntak. Oppung Simanjuntak dalahi lang boi dihut halani dong acara keluarga bai minggu ni. Alasan utama liburan on halani Rio lulus SD, Radot naik ke kelas 3 SMP, anjaha Restu naik ke kelas 2 SD. Megah do ganupan, anjaha naik ma hu mobil. Pas hussi hanami i bagas 1 mobil Toyota Kijang kapsul. Si Benni ma jadi supir tong. Masuk ma hu jalan tol Purbaleunyi/Cipularang menuju Bandung.
Sabtu 4 Juli 2009 jam 00:30 dinihari, das ma hanami i Bandung, kaluar i ujung tol i Cileunyi. Marsaran ma lobei hanami mamboli tahu Sumedang na tarkenal. Ilanjuthon hanami ma pardalanan ai, asyik marcerita i mobil sambil mangan tahu. Ilewati hanami ma turunan Ngagrek, Tasik Malaya pakon Ciamis (jalur selatan Jawa Barat). I Ciamis, marsaran ma hanami i SPBU jam 04:30 pagi sambil mangisi bensin. Dob ai, lanjut ma perjalanan menuju Banjar, anjaha i Banjar mambuat arah hu kanan menuju Pangandaran. Jam 05:30 das ma hanami i bukit sebelum pantai, mananjak lobei baru manurun. Jenges salian pemandanganni. Ididah hanami ma masyarakat setempat manakkih kalapa laho maragat mambuat tuak atap nira ni. Jam 06:30, das ma hanami i pintu gerbang Pangandaran. Dob hossi mambayar biaya masuk Rp 25.000 per mobil masuk hanami hu daerah pantai, i pertigaan ibuat jalur hu kiri menyusur pantai barat. Luar biasa, mariah do salian hape. Gok jolma marlangei i laut, hundul-hundul, lari pagi, marlereng, naik motor/kareta 4 roda (ATV). Lang yakin hanami, sonai riah ni, hape jam 06:30 dope. Torus ma hanami menuju pantai timur, marsaran ijai sambil marfoto-foto. Ididah hanami ma homa kehidupan nelayan na bergotong royong manarik jaring. Siap ai, laho ma hanami mandarami penginapan, juppah ma rumah penduduk na agak dohor hu pantai barat. Dong tolu kamar ni, ruang tamu, TV, kulkas pakon alat-alat masak. Biaya sewani Rp 400.000, mulai hanami masuk jam 07:30 das patarni jam 02:00 siang. Maruttung do hanami mandapot on, halani gok da ganupan penginapan i musim liburan on.
Sarapan ma lobei hanami, igoreng Oppung Ny.Simanjutak pakon Bertha ma ayam pakon ikan teri. Siap ai, istirahat tokkin, halani lang puas modom i pardalanan nokkan. Agak tertunda hanami mardalani, halani roh udan tokkin. Jam 12:30 siang, laho ma hanami hu pantai, kecuali Benni pakon Hakim na modom dope i kamar itadikkon hanami. Pangandaran terletak i pantai selatan Jawa Barat, i topi ni Samudera Indonesia. I dipar ni Samudera Indonesia on, daoh do baru dong daratan, aima negara Australia. I sebelah timur langsung berbatasan pakon Jawa Tengah, aima Cilacap pakon Pulau Nusa Kambangan. Jenges do salian pantai ni, jernih do bah ni membiru, anjaha ombak ni sedang. Pantai on terletak i Teluk Pangandaran, anjaha i tongah-tongah ni dong tanjung na etek-etek. Tanjung on ma na mambatasi pantai barat pakon pantai timur. Mardalani ma hanami hu pantai barat. Mariah do joma i pantai, tapi halani milas salian ari, marsaran ma lobei na marlangei. Pantai barat onma pusat parlangean, sementara pantai timur pusat ni nelayan/perikanan. Manewa perahu ma hanami, bermesin tempel. Maksud nami, mangalilingi tanjung hun laut lepas, tapi halani harga ni mahol tu, sibar pantai pasir putih i topi ni tanjung dassa hanami. Turun ma nami i pantai pasir putih ne jenges salian.
Masuk hanami hu lokasi hutan wisata i tanjung ai, bahat ma juppah ursa namartanduk, ipaturut berkeliaran. Sonai do homa kereh/monyet na etek-etek. Masuk ma hanami hu bagas hutan ai sekitar 20 menit, baru juppah hanami ma lokasi permainan anak-anak songon mangitei pakon meluncur bai tali. Lang pot na si Radot naik. Mandaftar manami hubani petugas laho tour hua gua-gua na ijai, ibere ma bannami sada guide sebagai pendamping. Iboan ma hanami mardalani mamasuki 7 gua batu na dong ijai, termasuk ma ai gua Jepang, gua Mak Lampir pakon gua miring. Dong bei do cerita ni setiap gua. Gua Jepang misalni, ibangun Tentara Jepang marhitei kerja paksa selama Perang Dunia II. Gua Mak Lampir, iatahon sonai halani ijon ibaen syuting film laga Mak Lampir hinan. Iceritahon pemandu tour ai, sanggah jaman Kerajaan Hindu nahinan pe domma ianani daerah Pangandaran. Salpu Kerajaan Hindu, roh ma masa Kerajaan Pajajaran na beragama Islam. Sanggah mardalani on hanami, juppahma landak i bagas gua, anjaha habang burung hantu bai hayu na ganjang. Spontan si Radot makkatahon "Limbad" nini, mangingat film "Limbad" na dong burung hantuni. Mekkel ma hanami ganupan.
Kaluar han gua, das ma hanami i pantai timur. Marbolanja ikan. Tapi halani sepi do sonari ikan, mahol do salian. Ikan kakap merah Rp 45.000/kg, udang laut ukuran sedang Rp 55.000/kg anjaha ikan cakalang/tongkol Rp 25.000/kg. Dob marbolanja, mulak ma hanami hu penginapan. Hape, si Hakim domma laho makkail hu tongah laut, anjaha si Benni laho mardalani marmobil. Soppat do kesasar si Benni on, lang ibotoh ni dalan laho hu penginapan. Mekkel-ekkel ma hanami. Siap maridi, makan malam ma hanami dengan menu ikan laut pakon udang goreng. Borngin, mardalani ma Mikael, Benni pakon Hakim hu pantai. Indah salian pantai ai itoruh torang ni bulan, mariah jolma. Ipesan si Hakimma bir pakon es batu. Jam 12:00 borngin, mulak ma hanami hu penginapan.
Minggu tgl 5 Juli 2009 jam 03:00 subuh, laho ma Oppung Ny.Simanjuntak pakon Bertha hu pantai. Tarsonggot sidea, domma gok jolma marlangei i pantai. Jam 06:00 pagi, laho ma Mikael pakon Rio marbolanja hu pantai timur, juppah ma cumi-cumi. Mulak ma hanami penginapan, sarapan marlauk cumi-cumi gulai pakon ikan asin goreng. Jam 10:00 laho ma hanami hu pantai barat. Si Benni, Radot, Rio, Restu pakon Oppung Ny.Simanjuntak asyik marlangei i laut. Si Hakim pakon Bertha marfoto-foto. Si Mikael laho berkeliling marsepeda. Lang maen-maen riah ni pantai Pangandaran on i ari Minggu on. Berkah bai masyarakat setempat, dob hussi lungun sapari salpu bencana tsunami tahun 2006.
Jam 02:00 siang, mulak ma hanami hu Jakarta. Lancar do pardalanan, kecuali i tanjakan Ngagrek na macet i pertigaan dalan menuju Garut. Marsaran ma hanami i Bandung jam 10:00 borngin makan malam, iboli nami ayam goreng + palia hun Restoran Sunda Ampera i Jalan Soekarno-Hatta by pass. Jam 01:30, das ma hanai i Bekasi, anjaha jam 02:30 das i Jakarta. Malas uhur, lancar pardalanan. MP.
Keterangan foto :
Atas : mar-foto pagi hari i pantai timur Pangandaran, das hussi ijai
Bawah : turun hun perahu i pantai pasir putih, i tanjung happit pantai barat Pangandaran
