Ase lobih itandai hita tokoh-tokoh keluarga Purba Sigumonrong, mulai ma ibaen nami serial tulisan mengenai biography ni sidea. Ase lebih murah iattusi, ibaen nami ma urut-urutan ni sesuai generasi. Anggo generasi ni penulis sonari ianggap Generasi X, sada generasi sebelum penulis (Bapa, Bapa Tua, Panggian) ianggap ma Generasi X-1, dua generasi sebelum penulis (Oppung) ianggap ma Generasi X-2. Mudah-mudahan hanjon hulobeian boi generasitta marnomor homa songon i Toba tene. On ma tulisan pertama.
***
St. Sintahalim Purba (Generasi X-1), gati do isingkat sebagai SA Purba, aima salah sada tokoh ni Sigumonrong na paling terkenal sonarion on i Marubun Lokkung. Ramah do salian ia anjaha marsahap tegas, tapi senyum do torus. Sehari-hari, gatian do ia idilo "Pa-Muliani" atap "Tahalim" tumang.
Keluarga
Marsanina do Bapa on pakon Alm Bapa Sintahajin Purba, Sintarajin Purba (haduasi mantan Pangulu Marubun Lokkung), pakon Sintahamin Purba, pakon piga-piga botou ni sidea. Bapa on mangalop Inang br Sipayung hun Nagori Dolok. Tubuh 2 anak dalahi (Pardomuan pakon Alm Rinson) appakon 4 boru (Mulyani, Rida, Risda pakon Juni) i keluarga sidea. Rumah ni sidea i Marubun Lokkung, mangarah hu suah ni huta, happit siamun anggo laho hu suah.
Pendidikan
-
Kegiatan Bai Adat/Keluarga
Bapa on ma salah sada tokoh protokoler/MC bai pesta-pesta adat i Marubun Lokkung sekitarni, isamping Bapa Johannes Purba pakon Bapa Darwin Purba (DP), lang pitah bai pesta ni Sigumonrong tumang. Keluarga na marpesta biasani pasti do markonsultasi hubani keluarga on. I Sigumonrong sandiri, biasani ia matong najadi hasomanni suhut, parsaninaon, parbapaon, pnl.
Kegiatan i Gereja
Aktif do Bapa on sebagai Sintua i Jemaat GKPS Marubun Lokkung, pakon pembina piga-piga seksi i GKPS Ressort Marubun Lokkung. Anggo marambilan ia, tangi do salian jolma.
Kegiatan Ekonomi
Hinan, Bapa on termasuk ma salah sada tukang bangunan na terkenal i Marubun Lokkung. Gedung gareja GKPS Togur termasuk ma salah sada karyani. Sapari, dong do homa mesin potong (chin shaw/sinso/dormal) ni, lengkap pakon buruh ni. Tapi sonari, lang martukang be gatni ia. Pemilik perkebunan karet na bolak do homa ia, itambah sabah pakon juma. Termasuk ma ia salah sada pengusaha pertanian na berhasil. Inang i rumah ai terkenal do homa sebagai penggerak tarik-tarikan/arisan.
Lain-lain
Tahun 1987 mansalon do Bapa on jadi Pangulu i Desa Marubun Lokkung, rup pakon Alm Bapa Tarman Purba pakon Bapa Jaramel Purba. Tapi namasa ai, hurang do suarani anjaha lang tarpilih. Agepe lang tarpilih, torus do dihut ia mambangun desa pakon masyarakat. Bahat do na porlu siparlajaranta hunbani Bapa on. MP
