Akhir-akhir on gati do hita manangar barita tentang musibah atap kecelakaan naterjadi bani alat transportasi (pesawat terbang, kapal laut, kereta api, pnl) atap nai tempat horja (pabrik, kantor, toko) atap i rumah. Contoh musibah bisa jadi marlanggar, matutung (kebakaran), idabuhi bahan bangunan, pnl). Isamping kerugian harta benda, muncul do homa kerugian bani jolma songon luka parah pakon marujung goluh.
Isamping humbani alam sandiri, bahan do musibah on tarjadi halani kelalaian manusia/ anggap sepele. Halani ai, serius do masalah kasehatan pakon kaselamatan marhorja (Kesehatan dan Keselamatan Kerja-K3) iteraphon i dunia industri anjaha iajarhon ibangku kuliah.
Dong do 2 hal naporlu idalanhon sanggah marhorja untuk manjaga keselamatan, aima :
1. Mandalanhon prosedur kerja nadomma ibaen secara baik, ulang ilanggar
2. Mamakai alat-alat keselamatan nadear sesuai prosedur
Sanggah i huta pe hita marhorja, dalan hon ma 2 pasal na i atas. Anggo prosedur kerja do, hita do mambahen ai masing-masing sesuai pengalaman pakon bidang horjanta. Anggo masalah alat-alat keselamatan/perlindungan diri, boi piga-piga itulishon nami ijon :
a. Perlindungan Terhadap Bahaya Listrik
Anggo manjolon instalasi listrik hita, iusahahon ma mamakei sipatu na tarbuat humbani karet, ase ulang hona setrum hita. Alat-alat obeng pakon tang ipastihon dear dope plastikni. Anggo marhorja ulang lupa mansabut sekring pakan mamatehon tombol na imeteran. Anggo mansolokkon alat-alat listrik hita, ulang mosap tanganta. Ipareksa kabel-kable ulang iharati tikus. Bahan do kebakaran terjadi halani korslet listrik.
b. Perlindungan Terhadap Api
Anggo laho misir, ulang ipaturut api gara. Marombus hussi logou, rama terjadi kebakaran. Ulang ibahen dohor bahan-bahan na mudah tarbakar dohor api. Anggo rumah na modern, dong ma homa alat pemadam kebakaranni. Sada cara na praktis mangittophon api marhitei manutupi api bai guni baggal/ratah na mosap, ase mate api ai kekurangan zat asam (oksigen).
c. Perlindungan Terhadap Bahaya Fisik
Anggo martukang mamakei helm bangunan ase ulang bahaya ulu diri anggo idabuhi bahan-bahan bangunan. Ipakei sipatu na ulang murah dalis. Hati-hati anjaha itorih sekitar diri sebelum manjolom pisou, martil, kapal, pahat, dll. Anggo manakkul anjaha manrambas pe diri sonai do. Sanggah manrobohi, hati -hati irumbaki atap isipakkhon hayu ai.
d. Perlindungan Terhadap Bahaya Binatang
Anggo huharangan diri, ulang lupa marsipatu salung, halani bahat do kiok/ulok. Hati-hati homa bani pandoit, waltong atap kuramah.
e. Perlindungan Terhadap Bahaya Petir, Banjir dan Longsor
Anggo roh udan pakon longgur, ulang jongjong hita ilapangan tarbuka, halani ra isoroh longgur. Usahahon ma mandarami perlindungan, tapi ulang bani hayu siganjangan, halani longgur on mandarami tempat tertinggi ase podas das hu tanoh ia. Pamatei alat-alat elektronik sanggah roh longgur. Partorih homa tanoh longsor sanggah i lombang hita, anjaha bah namarbaggal sanggah i bah hita.
Bahat-bahat dope alat-alat naporlu ipersiaphon hita demi keselamatan. Ulang lupa senter, payung, obat-obatan sederhana, kapas. Anggo dong na berpenyakit asma, tabung oksigen pe porlu do. Mungkin lape ongga ibiasahon hita mamakei sarung tangan sanggah marmasak, ase borsih masakan ai.
Yakin hanami, boi do hanup idalanhon hita ai. Tingkat kesehatan ni masyarakat pakon keselamatan kerja tarmasuk do salah sada kriteria ni negara na maju. Andoharma. MP.
Keterangan foto : Penulis sanggah marhorja mangispeksi kapal.
