Lang pitah arian tumang jolma marburu i huta, tapi borngin pe. Tapi anggo marburu borngin, peralatan marburu maningon lebih lengkap, biasa ni sinapang angin pakon senter kepala (kepala lampu senter dipotong dan ditaruh di kepala seperti di pertambangan batu bara.
On ma piga-piga binatang na boi i buru bai borngin ni ari :
1. Galot
Galot atap musang kaluar do borngin massari panganan. Dong do dua masam galot, na manakko manuk pakon namangan haltou (buah kolang kaling yang matang dari pohon aren). Galot namangan haltou do na iburu, halani lang marbau amis dagingni. Hona cahaya senter ai, jongal do galot on. Ijaima itembak. Nini jolma, daini gulei ni songon gulei baliang.
2. Paes
Paes atap kancil pe kaluar do borngin massari pangan, manggagat bulung-bulung naposo. Tontu itandai hita do paes on bani ceritan ni sipintar kancil bai dongeng anak-anak. Enak do salian dagingni, lang marlemak.
3. Tanggiling
Tanggiling atap trenggiling pe kaluar do borngin mandarami porkis. Julur-julur tumang dilahni, marmasukan ma porkis ai hubani babahni, mangan kon nari ia. Marsisik natobal do badan ni. Manakkap tanggiling on murah do, ijulurhon tumang hayu, mittor do ililitini. Lezat do salian dagingni.
4. Pihua
Pihua (kuskus) pe kaluar do borngin manganhon buah-buahan. Isenter hussi, mittor itorihma senter ai, jongal ia, anjaha matani bersinar memantulhon cahaya senter ai. Ijai ma itembak.
Mambasa keterangan na itas in, sebagian besar hita heran do ra tene. Pakkar anjaha tega parhuta manganhon binatang-binatang ai, hape deba binatang naigorani ai ilindungin do halani laho punahma. Tapi tonto, dong do sejarahni ai, anjaha mudah-mudahan patar-haduan on seng iburu jolma be tanggiling pakon pihua ai.
Catatan : Ihatahon sinapang angin halani marhitei tekangan angin na ipompa do peluru ni boi meluncur, sedo marhiteihon mesiu songon senjata ni tentara/polisi. MP
