Jummat sadarion, irayahon ganupan umat Kristiani do sebagai Perayaan Jummat Agung. I GKPS iatahon Minggu Parmatei anjaha halak Eropa/Amerika mangkatahon Good Friday. Songon na ibotoh hita, on ma sada tikki mangingat panorang sanggah Tuhanta Jesus Kristus matei iparsilang i Golgota laho manasap dosa-dosanta. Berbagai macam ibadah idalanhondo songon Perjamuan Kudus pakon Liturgi Jalan Salib.
Ari Minggu pagi holi, iperingati hita ma ari Parpuho ni Tuhan Jesus humbani hamatean, aima Minggu Parpuho atap Paskah (halak Eropa/Amerika mangkatahon Easter). Irayahon hita do on halani domma talu hamatean ibaen Tuhanta Jesus, anjaha mulak manggoluh ia use humbani hamatean. Sonai homa hita mulak borsih humbani dosa-dosanta.
Paskah na parlobei (paima tubuh Tuhan Jesus) irayahon Bangsa Israel do sebagai peringatan maluah anak-anakni sidea sigodangan humbani hamatean sanggah iparoh Naibata Tulah Napasapulohkon (kematian anak-anak sulung). Isuruh Tuhan do si Musa manuruh bangsa ai manayat biri-biri naposo (1 tahun) anjaha darohni ipis-pishon bani labah. Jadi sanggah roh malaikat maut bornginni ai, ilewati ni ma rumah ni sidea, anjaha lang jadi matei anak-anakni sidea sigodangan. Idingat sidea do homa Paskah sebagai tanda pembebasan ni sidea humbani perbudakan ni Bangsa Masir.
Bani sebagian umat Kristiani terutama Katolik, Paskah irayahon lebih meriah humbani Natal. Acara imulai humbani sabulan sebelumni (Rabu Abu), termasuk marpuasa. Dob hussi ai Minggu Palma, Kamis Putih, Jummat Agung pakon Paskah. Negara-negara barat pe merayahon paskah marhitei mandarami telur-telur paskah. Iatahon do homa on liburan musim semi.
Selamat merayahon Jummat Agung ma anjaha Selamat Menyambut Paskah. MP.
