Kuskus. Anggo mambogei hata on, kawan-kawan ta na domma tubuh i kota pasti teringat sejenis binatang malam na i atas pohon, na bersinar mata ni anggo hona cahaya bai borngin (pihua nini anggo i Simalungun). Tapi anggo hita na i huta pasti langsung mekkel do hita mambogei kuskus on, aima indahan natenger anjaha marappok happit toruh ni hudon sanggah mardahan hita. Kerak nasi, bahasa keren ni. Halani panganan naenak do on, sanggah anak-anak hanami sapari, gati do marubati marsurei mangindo kuskus on, lang namarsurei mangindo indahan.
Anggo mardahan i huta bai dalihan mamakei soban, pasti do dong kuskus on. Ase idingat hita, iulaki lobei patoranghon proses mardahan i huta. I pamasuk boras hubagas hudon, 1 muk atap sagattang sukkup bani 2 halak. Dob iburihi 2 hali, ipamasuk bah 2 buku jari nongnong i atas boras. Baru i tanggorhon. Lebih kurang 15-20 menit dob tanggor gurgur ma, anjaha gurgur hossi, ibuka ma tutupni anjaha ikarih bani karih-karih atap sonduk buluh. Ipaima sampe korah. Deba halak dong do marosuh mambuat bah na gurgur ai, aima purik, iminum isampur pakon gula. Korah hussi, idaringkon ma hudon ai bai narnar i atas dalihon atap isampingni dalihan ase boi ipakei use dalihan ai marloppah bulung gadung atap manggoreng ikan bolahan. Halani naidaringkon ai ma ase dong kuskus ai. Hape sonari i kota payah ma juppah kuskus on, halani jolma mardahan mamakei kukusan atap dangdang ma. Malah dong sada alat ajaib na margoran "magic jar atap rice cooker", pamasuk tumang boras pakon bah, tekan tombol, ipaima tokkin, tokkama.
Sattabi, gabe pelajaran kursus memasak ala Om Purba use. Ai dong do filsafat ni atap "phylosopy" na boi ipelajari hita humbani kuskus on. Anggo ipaturut kuskus on bai hudon ai, payah do orlakon atap borsihononkon. Sipata, ra sampe matupik hudon ai ase boi tanggal hudon ai. Tapi anggo ibahen bah hubagas hudon ai, gabur anjaha masabur ma kuskus ai, anjaha murah mamborsihkon. Sonaima homa ra goluhta, tenger anjaha gogoh do hita hubani prinsip, tujuan, rencana pakon pendirianta. Tapi roh hussi halak atap masalah nalegan nalaho mangubah hita, anjaha ibotoh sidea sonaha carani, langsung berubah do hita. Lupa tujuan akhir. Dobni marpetor-petor ma goluhta lang jelas. Bai kawan-kawanta na i Maluku, iumpamahon sidea do homa mengenai on songon sagu na ikorahkon (makanan pokok ni sidea nahinan). Tenger do salian, seng tarharat. Tapi i celuphon hossi hubagas teh manis, gaburma ia songon bubur.
Ninuhurhu, hurang dear do nasongon on. Songon lang berpedoman atap marrencana goluhta. Anggo kawan-kawanta humbai negara namaju songon Jepang, iatahon do on "random" atap pe acak. Anggo boi namin, rahanan ma hita songon inang na mambahen rajutan tene. Sahali manusukhon jarum ia bani rajutan ai, etek do hassa dapot, sekitar 3 mm x 3 mm. Tapi halani tekun do inang ai, idihuthon homa gambar pola atap rencanani, jadi do rajutan ai gabe taplak meja na bolak anjaha jenges. Sipata ra do itadikkon inang ai lobei rajutan nai atap huja ia, malah ra homa tartusuk jarum jari ni ai ia, tapi halani setia do ia, salosei do.
Jadi goluh ta pe maningon dong do rencana, target pakon jadwal atap schedule-ta. Jadi aha pe namasa, schedule pakon target on ma tong patokanta. Dengan memakai prinsip ni masyarakat humbai negara maju on, mudah-mudahan boi iirikkon negaratta sidea gabe anggota 8 Negara-Negara Industri Maju homa (Amerika Serikat, Kanada, Inggris, Jerman, Prancis, Italia, Jepang pakon Russia). Semoga. MP
