Salah sada cara ni halak Jepang mangankon daging, ikan aima i panggang pakon i bolgang. Tapi mamanggang pakon mambolgangni, lang songon caratta i huta. Sidea, jolma atap tamu nalaho mangan do marsiloppah bani sambil marbuali.
Cara pertama aima ipanggang atap yakiniku. Potongan-potongan atap irisan-irisan tipis daging manuk, sapi, ikan tuna atap ikan la lain, udang, cumi, jamur pakon bawang putih ipanggang iatas panggangan khusus. Panggangan non hira hira songon balangan ni tukang martabak, tapi humbani besi putih. Ibaen marlubang-lubang ase tiris minak ni daging na ipanggang ai hutoruh. Ase ulang lokkot, iolesi ma lobei lemak ni daging sapi, anjaha daging na laho ipanggang pe i celupkon do bai minak wijen. Api na ipakei boi berbahan bakar gas atap arang kayu kelas satu (sada potensi i hutatta mambaen arang on). Sambil marsahapi jolma, sibuk ma mamanggang pakon mambalik-balik panggangan ai mamakei sumpit (penjepit). Dob hussi tokka, ioleshon bai sambal, baru "kop" ipangan.
Cara paduahon aima ibolgang atap sabu-sabu. Potongan-potongan nokkanai itambah sayuran, telur pakon mi i bolgang (irebus) bai kuah ni kaldu. Untung ni sonon, lebih segar makanan ai anjaha boi iminum kuahni. Hmmm.
Ididah hanjai, praktis do carani sidea mamasak daging pakon ikan. Seng pala bahat bumbuni anjaha seng pala loja menggelek bumbu pakon marloppahsi. Lang pala homa marsattan. Hassi portlu lubang ni timus bai atap ase ulang martimus hanup ruangan ai. Selamat mencoba anggo dong kesempatan. MP.
