Sanggah remaja hinan penulis i huta (Marubun Lokkung dan Togur) , dong do sada hobbi ni nasi bapa pakon pemuda nasangat alami, aima mardadu pusing. Kegiatan on martaruh-taruh duit oktik-otik marhitei manebak mata dadu na kaluar dob hussi ipusing (iputar), antara mata 1-6. Namardadu on biasa ni dong ari tiga (Selasa) atap anggo dong pesta-pesta. Bahat do naroh hu pardaduan on, ra sekitar 25-50 halak, apa lagi anggo sanggah dong acara na meriah.
Peserta
Peserta mardadu on ibagi atas 2 pihak : bandar pakon panikam (pemain). Berhadap-hadapan do sidea hundul. Bandar on biasani piga-piga halak sidea sakawan. Anggo panikam, ise pe boi do, na penting sahali manikam paling lang Rp 500 (tahun 1994, sonari naik ma ra tene). Age pe dong bandar, modal ni bandar ai i patumpu humbani ganupan na roh do, termasuk panikam. Modal na ikumpulhon hai iistilahkon "tunggul", anjaha anggo monang holi bandar, ibagi rata ma modal pakon hamonangan ai sesuai porsi kepemilikan tunggul ai. Jadi hira-hira songon saham mai i Bursa Efek Indonesia-BEI (Pasar Saham) tene. Isampingni ai, dong do homa petugas kebersihan/peralatan pakon keamanan. Anggaran untuk sidea on ibuat humbani sumbangan setiap na monang baggal bani tiap-tiap panikaman, sekitar Rp 1.000, goran ni sumbangan on aima "tong". Dong do piga-piga bandar na terkenal hinan i hutatta.
Peralatan
Peralatan na terutama aima dadu pusing. Dadu on ibaen humbani "tulan" atap tulang na ibentuk bersegi enam memanjang. Setiap segi ibaen ma titik-titik marhitei mandukkit dadu ai otik, jumlah ni setiap sisi marbeda-beda, 1 titik das hu 6 titik, na melambanghon mata dadu 1-6,Diameterni kira-kira 1 cm, anjaha panjang ni2-3 cm. Itongah-tongah dadu on ilubangi ianan poros putar ni. Poros on ibuat hambani hayu kelas sada na jenges anjaha tenger, ibentuk hira-hira songon "tusuk telinga" sekitar 4-5 cm ganjangni. Anggo laho mamutar dadu, poros atap tampuk ni on ma i putar bai pinggan. Setiap dadu ibaen do goranni, halani marbeda-beda do baggal, ukiran, rupa pakon sorani anggo ipusing. Pinggan on pinggan etek-etek do, anjaha biasa ni ipilih na rupa pakon warna ni jenges. Sanggah marputar dadu ai, itutup ma mamakei sarip-sarip atap tempurang kelapa na etek-etek, ihalushon anjaga i ukur. Alat-alat dadu on biasa ni ibaen i atas sarpet atap sapu tangan. Halani lang dong kortas mamartulisan, papan tempat panikam mambaen tikaman pe ibaen sederhana do, humbani bulung galuh na ipabartong i lobei-lobei ni bandar. Itusuk ma hodong na bulung galuh ai dos tongah ganjang ni, anjaha sisi kiri ni tusukan ai ibaen ma use tanda bai hodong nai ai ase bagi 3 dos tongah ganjangni, anjaha sisi kanan ni tusukan ai pe ibagi 3 homa. Artini, bai bulung na menghadap bandar, setiap bagian nokkan melambanghon mata 1-6 humbai kiri hu kanan. Sebalikni bai bulung na menghadap panikam, setiap bagian tong homa melambanghon mata 1-6 humbai kiri hu kanan sidea. Jadi mata 6 berhadapan pakon mata 1, mata 2 berhadapan pakon mata 5, anjaha mata 3 pakon mata 4. Tujuanni, anggo laho manikam panikam ai, lang pala daoh-daoh ia muit, tong hundul tumang.
Cara Permainan
Ibaen bandar malobei dadu ai bai pinggan ai, ijolom porosni, baru ipusing. Marpusing ma dadu on kissah salian, mungkin lobih 100 putaran per menit (100 rpm). Sanggah marputar ai ia, mittor itutup bandar ma dadu ai bai sarip-sarip ai. Sip ma gunaupan jolma laho mambogeihon sora pardabuh ni dadu ai, halani humbani sora ai gan boi do itebak mata piga na kaluar. Tring-tring-tring......, marguling-guling ma dadu ai bai pinggan ai, anjaha soh. Dob ai sibukma panikam mamasang tikaman ni bei sesuai tebakan atap feeling masing-masing, i atas bulung galuh nokkanai. "Buka....", nini bandar, soh ma panikam, anjaha ibuka bandar ma sarip-sarip ai, taridah ma mata piga na kaluar, aima na sisi ni menghadap hu atas. Panikam na baggal, boi do homa minta izin laho mambuka tutup ni dadu ai nanget-nanget, goranni "mamirrit".
Logika permainan ni sonon. Panikam manebak mata 1-6, anggo tebakan ni pas, dapotan ma ia 5 hali lipat (manikam Rp 1.000, dapot Rp 5.000). Jadi kemungkinan tebakan pemain tepat 1/6 atap 16,67%, sementara peluang ni bandar monang 5/6 atap 83,33%. Halani sibahatan duit ni idapot panikam 5 hali lipat, jumlah peluangni panikam monang aima 16.67% x 5 = sekitar 83,35%. Jadi dos do peluang ni panikam pakon bandar, 50%:50%, jadi fair do. Isamping manebak mata, dong do homa manebak "atas-bawah". Mata atas aima mata 4-6, mata bawah 1-3. Anggo monang, penaikam dapotan 1 hali lipat. Anggo on pe peluang ni dos do homa, 50%:50%. Dong do homa kombinasi haduasi, aima goranni paruh. Misalni tikaman Rp 500 paruh "dua-tolu" mata 2, artini Rp 200 ibaen manebak mata 2, anjaha Rp 300 ibaen manebak "bawah". Jadi anggo kaluar mata 2, dapotan ma panikam ai Rp 200 x 5 + Rp 300 x 1 = Ro 1,300. Tapi anggo kaluar mata 1, dapotan ma ia Rp 300 x 1 = Rp 300, anjaha tikamman ni Rp 200 bai mata nokkanai iatrik bandar ma halani salah, atap ujungni untung ma ia Rp 300-Rp200 = Rp 100. Anggo mata 4-6 kaluar, itarik bandar ma ganupan duit ni ai. Isampung "dua-tolu", dong do homa paruh "sada-opat".
Hal-hal na lucu
Halani manyerempet-nyerempet judi do na mardadu on, gati do roh polisi mambubarhon. Littun ma ganupan jolma simbuei ai mandippulus merah anggo roh poliso. Sipata pintar do homa sidea, anggo roh polisi hun daerah Simalungun, maen ma sidea i daerah Kabupaten Deli Serdang, anjaha anggo roh polisi hun daerah Simalungun, maen ma sidea i daerah Kabupaten Simalungun. Halani daerah perbatasan do huta on, mardalan piga-piga puluh meter pe pindah wilayah kabupatenma. Dong do homa piga-piga na marayoh use marhorja gara-gara na mardadu on.
Kesimpulanni, mulak hubanta bei ma masing-masing. MP.
