Halak Indonesia paling gampang do mambaen nama panggilan sehari-hari. Tading mandilo nama depan (given name) itambahi tutur i lobeini : Pak, Ibu, Om, Tante, pnl. Sonai homa i Simalungun, tading manambahi tutur ni Simalungun : Tulang, Makkela, Panggian, pnl. Jarang do idilo margani (family name). Mungkin halak Toba do hassa na gati mandilo marga : Lae Simarmata, Amang Sihombing, Guru Sitomorang, pnl.
Ijon itulis hon hanami piga-piga cara-cara tambahan ni halak Simalungun marsidiloan :
Ibagas Rumah Tangga
Pattang do i Simalungun marsidiloan goran i bagas rumah tangga. Biasani bapa pakon inang marsidiloan "Ussok" atap "Sok" do sada sama lain. On biasa ni terjadi anggo anak pertama i rumah tangga ai dalahi. Biasa do homa bapa pakon inang marsidiloan goran ni anak pertama, misalni anggo goranni niombah ai Japet, "Pet" nini inang mandilo bapa. Anggo domma modern otik keluarga ai, ra do mar "Abang" nasi inang atap mar "Dek" nasi bapa.
Hubani Niombah
Isamping goran langsung, bahat do niombah dalahi idilo "Ussok" anjaha niombah naboru "Butet". Niombah naboru ra do homa i dilo "Bolu" humbani hata "boru". Tapi panggilan sayang biasani "Pa" atap "Nang" do.
Sesama Orang Tua
Sesama orang tua atap jolma dewasa na domma marrumah tangga, biasa mandilo bapa na lain "paxxx" anjaha inang na lain "nanxxx", xxx aima goran ni anak pertama. Contoh ni : PaMulyani, NanJaya.
Panggilan Garama-Anak Boru
Sesama garama-anak boru (age saudara kandung) hurang dear do iahap hanami partuturan i Simalungun. Biasani anggo naboru sitorasan idilo "Kaka" do, anjaha siposoan ai idilo goran ni tumang. Anggo dalahi sitorasan, biasani idilo "Abang" atap "Totou" do humbani hata "Botou". Hata botou sandiri, jarang do ipakei. Anggo i Toba, dong do hata na lebih netral, aima "Ito", na lang sai targantung umur. Sonai homa panggilan "Turang" i Karo.
Sapaan Langsung
Anggo sesama dalahi pajuppah, side marsidiloan "Ambia". Mungkin hun hata Anggia do on. Anggo sesama naboru pajuppah, sidea marsidiloan "Baya".
Nama Alias
Isamping nama asli, bahat do jolma idili marhitei nama alias (nama panggilan, nama sayang). Contohni, Sudi Saragih i dilo "Gupik", Piteraman Damanik idilo "Gabin", Hendra Purba sapari idilo "Si Karbet". Mungkin dong sejarah nai masing-masing mase idilo sonai tene. Lucu-lucu do sipata goran ni on.
Nama Inisial
Gati do homa jolma maningkat goranni jadi nama inisial tumang, songon Guru Jasin Purba hinan gabe JP, Pak Edi Saragih jadi Pak "ED". Pemimpin nasional ta pe i negara on mamakei nama inisial do, SBY-JK.
Orang Ketiga
Anggo marsahapi 2 halak, halak na lain na isahapkon biasani idilo "Si Anu".
Jadi, paima marsahap hita pakon halak na legan, marpikkir ma lobei hita tokkin, aha do nama panggilanni na lebih elegan ? MP.
