Halani tarbatas dope keluarga nadong mobil atap sepeda motor ni i huta Marubun Lokkung pakon i Togur, transportasi umum ma salah sada andalan alat transportasi. Halani huta i pedalaman (inland) do huta ta on, transportasi darat dassa nodong. Transportasi umum na paling utama aima bis atap mikrolet.
Unik do, masyarakat Medan sekitarni mangatahon motor untuk mobil. Hape artini motor on anggo i daerah lain sepeda motor do. Jadi bis-bis nabaggal pe ihatahon sidea motor do. Motor nalaho huta on biasa ni boi ijuppahi i Terminal Amplas Mesdan, Terminal Lubuk Pakam, pakon Timbangan Lubuk Pakam. Motor na hu arah Gunung Meriah ihatahon sidea do motor gunung, mungkin laho mambedahon pakon motor na hu arah Dolok Masihol na ihatahin motor dolok.
Kenangan na boi idingat penulis sanggah anak-anak aima generasi ni bis-bis baggal. Merek ni bis napaling terkenal hu hutatta aima Fa (firma) Kembaren. Motor on biasani pagi-pagi hu suah/hu Pakam, anjaha bod ni ari hu buttu/hu Gunung Meriah. Na parlobei idingat penulis aima motor na lewat sekitar jam 8 pagi aima Kembaren 6, baggal salian bis ni, mar-video homa. Supirni aima Tulang Rusli. Dob ai na lewat jam 9 pagi, aima Kembaren 1. Parlobei-lobei, Toyota Buaya na uluni songon truk do bis on. Dob ni igattih ma jadi bis na baggal. Supir ni aima Oppung Jamintar. Orang tua marosuh do salian naik motor on. Dong do homa motor pagi berangkat hun suah hu buntu pagi ni ari, aima Kembaren 9, sekitar jam 10 pagi ma lewat i hutatta, anjaha sore ni sekitar jam 4 mulak ma ia hu suah. Lang piga dokah, roh ma 2 Kembaren na baggal, aima kembaren 55 pakon Kembaren 99, anjaha 2 kembaren humbani Mitsubishi Colt, aima Kembaren 88 pakon Kembaren 66. Jadi mariah ma bis hu hutatta. Haopat si Kembaren on martukar merek jadi TSP (PT.Tunas Surya Perkasa). Dong do homa kembaren na khusus mangangkut partiga-tiga, aima Kembaren 7, humbani Toyota Buaya. Supir ni aima Tulang Pangkat Saragih. Silindak-Medan, dong do homa 2 motor na jenges anjaha marvideo bagian ni Panggian Saman Purba par Damak Jambu, aima Kembaren 14 pakon Kembaren 23. Kembaren 14 on gati do iborong parhutata. Supir ni naterkenal aima Pak Burhan.
Isamping Kembaren, dong do homa merek bis na lain, aima Cv.Harapan. Harapan naterkenal aima Harapan 58 (lewat jam 7 pagi). Supir ni tarkenal aima Tulang Kenan pakon Tulang Liter. Dong do homa harapan das Silindak dassa, aima Harapan 6 bagianni Oppung TPT (Tani Purba Tambak) par Tarean. Bis na lain na das sibar Bangun Purba dassa aima Fa.Nusantara.
Tahun 2002-2003, masuk ma generasi mikrolet. Naterkenal namasa ai aima Cv.Lingga Sari pakon Cv.Nitra, terutama hun Silindak hu suah. Tahun 1994 itadinghon penulis ma hutatta, sonaipe ganupan angkutan ai, bis marsampur mikrolet. Tahun 2000, mula ma penulis hu huta seng dong bis baggal ondi be. Mikrolet ma ganup, das hu Gunung Meriah pakon hu Saranpadang. Mikrolet on dong buatan ni Suzuku (Carry) pakon Daihatsu (Zebra). Tapi roh bahat ni ma mikroletni.
Halani bahat do barang hu buntu pakon husuan, biasa ni iatas kap on ibaen do pagar ianan ni barang, anjaha dong tanggani naik hun pudi atap hun samping. Lang ganupan daerah dong bis songon on. Sipata, halani bahat tu sewa, hundulma i atas kap, bis agepe mikrolet. Ongga do hanami mosap hona udan, anjaha aggo dong hayu bartong i atas kap ai, hundul ma ganupan manuruk joma na i atas kap ai. Dong namambere komando, tiarappppppp, nini.
Supir ni motor hu hutta na domma igorani hanami i atas ai pe terkenal do salian. Halani dalan ni sempit anjaha marbelok-belok, harus do lincah sidea. Terkenal so sidea sebagai supir gunung.
Sura-surani penulis, mulak ma namin dong ulaki bis baggal hu hutanta, ase tenang diri hundul, ulang marisot-isot. MP.
