Ari Minggu tanggal 24 Mei 2009 na salpu, megah do salian hanami piga-piga par Togur mardalani hu komplek wisata keluarga/kerajinan tangan ni PT.SKI (Sumber Karya Indah), i Tajur, Bogor. Nasi botou ta asyik do sidea laho hu toko tas pakon sipatu laho mandarami na jenges pakon namurah, nini sidea. Hanami dalahi hundul mandarami sipanganan khas Bogor, sambil mangidah-idah kolam na marisi bahat ikan omas berwarna-wari (lang si gerger pakon si birong tumang) pakon ikan khas Amazon na baggal salian. Sementara ito Ny.Sarjono Saragih br Purba sibuk mangihutkon si Krismanuel marguro-guro.
Dob hussi tuppu, laho ma nami hu parmaenan gantungan (meluncur gantung bai tali na ibentanghon miring naitarik hun atas ni hayu). Marbuali ma hanami mengagumi parriah ni jolma na ijai. Parhuta-huta ma bahatan in, nini na deba. Roh homa na lain, bahatan na bayak-bayak do in ra, nini sidea. Tapi intini, jolma na biasa-biasa do ganup na roh ai, sonai ma pandapot nami.
Tiba-tiba, iguit hon si Benni ma au, torih ge ai, itandai do ham do ai nini, manuduhkon sada bapa marbaju si bottar lagi manogu boruni namarumur sekitar 3 tahun, turun humbani tali seluncur. Tokkon hunonoi, lupa-lupa ingat au, songon na hutandai, songon na lang. Baru ma ipatugasih si Benni, Parto Patrio do in, nini. Baru ma hudingat, tongon do tene, nini uhur hur, bapa-bapa ai aima Parto, nagati masuk acara TV manlawak rup pakon anggota Grup Patrio nalain (Eko pakon Akri). Salah sada acara ni Parto na hudingat aima Ngelaba (TPI) pakon Opera van Java (Trans 7). Mekkel do au hudingat mambogei lawakan ni si Parto bai acara ai.
Marpikkir au ibagas uhur, seng pitah hanami jolma nabiasa-biasa on naporlu hiburan, nini uhur hu. Kawan-kawanta na artis ibukota na ngetop anjaha horjani pe menghibur, totap do porlu hiburan homa. Sukses Mas Parto pakon hita haganup.
Keterangan photo :
Atas : Parto Patrio manogu boruni bermain seluncuran i SKI, Tajur, Bogor
Bawah : Ny Sarjono Saragih br Purba (par Togur tene), asyik naik perahu-perahuan mangihut-ihut si Krismanuel, i SKI ai homa
