Aha do tanggapan ni si Pado (3 thn) pasal oppungni, aima Oppung Cantik (Inang Sangap br Sipayung)? Lang piga dokah salpu dob hussi inang ondi "isuanhon" i Togur, ihatahon nami ma oppung sudah pergi ke Tuhan Yesus. Tapi aha do respon ni si Pado manangar ai? "Ndak, Oppung itu di dalam tanah, nya" nini ibagas bahasa kanak-kanak dengan polos. Nikku ma use, "Iya, tapi oppung itu juga pergi ke Tuhan Yesus".
Lanjar misir ma ia marguroguro. Ibagas uhurhu nikku do, "Tongon homa do si Pado on". Tapi tottu lang pitah ai, adong na legan na lape iidah si Pado. Okelah ndak apa-apa. Akhir-akhir on anggo itunjukhon nami gambar/photo ni bapa pakon inang ondi anjaha isukkkun nami ise on hubani si Pado. Nini do, "Oppung Bitha!". "Oppung Pado mana?". Lanjar itunjukni ma photo ai. Malas uhur! Halani domma ibotohni bahwa Tulang pakon Anturang na i Siantar, oppung ni si Iyo (niombah ni lae Ganda na i Baturaja) do ai. Sonaima lobei da.
Catatan : Pado (Tupado Purba Sigumonrong) aima salah sada hoppu ni Inang br Sipayung ondi. Hoppu na lain ama Bitha (11 thn) & Aswin Purba Sigumonrong (8 thn) , pakon Hillary br Saragih (3 bulan). Rup do sidea mandilo oppung ni ai "Oppung Cantik", halani "jenges" do Oppung ni ai hinan.
Keterangan photo : Pado (baju putih) marguro-guro i pantai Anyer, Banten
