Turi-turian atap pe dongeng/kisah aima sada budaya na populer i Simalungun. Bahan do pengajaran pakon penyampaian pendapat na ipadas marhitei turi-turian. Contoh ni ma ai sanggah guru sikolah minggu mangajar dakdanak ampa sanggah Sittua atap pe Pandita marambilan i Gareja. Bai suku-suku na lain i Indonesia pe masa do homa marturi-turian on, hassi pe isi kisah ni tentu marbeda.
Turia-turian on sipata kisah ni tongon-tongon tarjadi, i lain waktu kisah na ikarang dassa. Anggo sifat ni "manlarang" jolma, sedih ma ibaen ujung ni kisah ai, tapi anggo sifatni "manuruh" jolma mambaen sada-sada hal, gembira ma ibaen ujung ni kisah ai (happy ending). Turi-turian bai dakdanak, bahat do kisah mangenai binatang ibaen, terutama ma ai paes (kancil) na pintar. Sahali dassa paes talu, aima sanggah na ioto-otoi kuhul sanggah marlumba das hu ujung ni kolam, lain ni ai, monang do torus paes on. Dong do homa turi-turian na lucu mengenai sada tokoh rekaan na bodoh tapi pintar i Simalugun, aima si Jonaha. Kira-kira mirip si Kabayan mara tokoh on anggo i Jawa Barat.
On ma sada kisah ni si Jonaha on :
Martondok ma si Jonaha i rumah ni Tulang ni. Rajin do si Jonaha on marhorja, mangurupi tulang ni on. Hu juma, marmahan pinahan, mangalop bah, pakon horja nalegan.
Bai sada borngin, marsahap ma Tulang ni ai, "Jonaha, patar girahma ho hujma, halani mardang (martidah atap menanam padi) ma hita. Bonih ni kira-kira 2 kaleng bibit. Paima ma hanami i juma, halani marharoan (bergotong royong sesama warga) do hita nini Tulang ni ai. "Dear Tulang", nini si Jonaha on. Patarni, dob hussi sarapan, laho ma ia girah hu juma. Iboan ma bibit na 2 kaleng on. Das hossi i juma, tarpikkir ma ia, mase pala porlu bahat jolma ampa dokah pala manuanhon bonih on do, nini uhurni. Mittor marpikkir ma ia, anjaha ihorjahon ni ma aha na i bagas pikkiran ni ai.
Sekitar jam 8 pagi, das ma nasi Tulang ni ai ampakon rombongan parharoan ai i juma. "Jonaha, boan hujon bonih ai, ase i mulai hita mardang ai", nini Tulan nai. Marbalos ma si Jonaha, "Domma bois husuanhon bonih ai, Tulang", nini. Marbalos ma Tulang nai, hebat ma ho, ai mase sonai podas ni ibaen ho, nini. Ijawab si Jonaha ma, "Ase podas, huhurak (hugali) ma lubang ukuran 1 x 1 m, anjaha hudukkaphon ma bonih ai hu bagas lubang ai ganupan". Tulang : "Aha ambia ????????".
Ai ise hita na dong stok turi-turian ni ? Kirimhon nassiam ma, ase boi i pustakahon hita. MP.
