Catatan kenangan Hendra Purba dan inang tuanya (Ny Ev.K.Pardamean Purba-Tamalonim br Sipayung) :
Tikki SMP au tading pakon nasi inang tua do au i Kampung Agam, Galang. Agak berbeda do goluhku pakon abang Jhonni. Ia mulai SMP pe domma bayar makan i rumah makan. SMA bayar makan i Lubuk Pakam. Au masak sendiri. Cari kayu sendiri. Cari sayur sendiri. Mulak sikolah gatian do au hu toruh rambung, marsoban, mulak sore. Sali-sali markawan anjaha gatinan ma lang markawan. Das hu Pulo Tagor. Das hu Sei Putih. Sali-sali hu sabah do homa pakon inang tua. Rap pakon kaka Esni sonai homa kaka Lidia. Halani ai marlajar borngin ma au gatinan.
Sahali, marlajar ma au rossi jam 12 malam. Tikki ai lape dong lampu listrik i rumah. Marlampu semprong do au marlajar. Gariada sali-sali marlampu teplok. Halani inang tua lang sai cas be panonggorni, tiba-tiba tap imateihonni ma lampu semprongku. Padahal au serius do pe marlajar. Au seng sai pande halani ai maningon pokkut. "Namanggila do inang tua on" ninuhurhu, halani ai sip tumang do lobei au. Mosor hossi au hombani kursi baru pe ibotoh inang tua au ijai marlajar. "Ee, mangapal do pe hape ho Endra" nini tua ondi. "Eak tua" nikku, lanjar misir ma au modom.
Refleksi singkat:
(1) Bahat do halak mangatahon, inang tua ondo ngitngit anjaha polit, tapi huahap tongon halani na domma biasa do sidea menderita. Huahap na isuruh Tuhan do au hu tongah-tongah ni penderitaan ai ase ibentuk-Ni au ijai. Sonai do ra ai ase pala ijai au SMP, selain ipartongon bapa St Zakaria Purba ondi au hu SMP Pembangunan Galang. Halani omei na hona wereng ma ai deba ase menderita inang tua pakon keluarga. Girah do homa inang tua ondi mabalu.
(2) Inang tua ondi kuat ibagas tonggo.
(3) Tikki SMP ai au ongga do au mengukir sonon : "Tiada kebahagiaan tanpa penderitaan". Lanjar ibuat kepala sekolah nami, ibu Honneri br Saragih do ukiranku ai.
Inang Tamalonim br Sipayung marjabu pakon Ev.K.Pardamean Purba sekitar 1945. Hun huta Saran Padang do Inang on roh. Itongah parjabuanni sidea tubuh 2 anak dalahi, 3 anak naboru. Tahun 1967, mabalu ma inang on, tapi agepe sonai pokkut do ia. Inang on marujung goluh tahun 1990 i Medan anjaha isuanhon i Togur.
Inang on aima inang tua (naibuat ni bapa tua kandung) ni Hendra Purba.
