Salah sada kegiatan na populer bai nasi bapa pakon pemuda i huta aima martenggen (mabuk). Bahat do ianan tempat martenggen on, deba ma ai i kode tuak, i parjagalan, i toruh bona ni bagot pakon i emper ni rumah. Anggo i Toba, hata na populer aima lapo (rumah makan khas Batak + minum tuak).
Aha do na iminum sanggah martenggen on i huta ? Pasti ma ai, na terutama aima tuak atap pe bagot. Tuak on ihasilhon bona ni bagot (enau), anjaha jolma na mambuat bagot on ihatahon do paragat. Ase mapogih bagot on, ibahen do sampuranni hulit hayu, aima raru. Anggo i huta na legan, dong do huma tuak hun bona ni kalapa. Tuak on harus do segar, halani anggo dokahtu, migar do daini. Lang pala bahat kandungan alkohol ni tuak on, tapi na lebih penting i pardiatei aima zat gula pakon zat kapurni. Ai do, anggo i Indonesia Timur, i suling (ipagurgur) sidea do tuak on, ibuatma uapni, anjaga dob hussi mangilu, jadi ma alkohol na bottar. I Manado ihatahon "Cap Tikus" anjaha i Ambon pakon i Papua ihatahon do "Sopi".
Minuman namangihut na terkenal aima minuman botolan songon bir, kamput, mansen, topi miring pakon vodka. Anggo sapari, naterkenal salian aima TKW. Dong do homa minuman khas i Sumatera Utara na lang dong i daerah naleganm, aima Anggur Vigour. Bai na mamilih minuman botolan, hati-hati ma mamilih minuman na palsu, nabahat mangandung zat kimia.
Dong minuman, aha ma use tambulni ? Anggo dong namin gulei atap jagal ma, aima gulei babi, baliang, manuk, pakon nalegan. Ai do, rajin do i huta jolma marpatung laho marjagal. Anggo dong nadapotan aili no hona siding atap kereh na marburu, ai pe boi do. Nini jolma, gulei kiok pakon huting pe dong do ???
Aha ma kegiatan sanggah martenggen on ? Anggo i Simalungun, bahatan gobak marbuali. Anggo i Toba, mandoding. Kira-kira jam 10:00 borngin, bubarma partenggen on. Patarni segar marhorja use. Ganupan boi do, tapi ulang bahat tu. MP.
