Bapa St Zakaria Purba & Makanan‏

Berikut adalah catatan harian Pdt Hendra Purba tentang orang tua beliau.

Opat tahun na salpu, tikki ai hanami mangan i rumah makan Minang i lobei ni GKPS Simpang Marindal. Huria on ma salah sada pagaran ni resort GKPS Menteng Indah Medan. Tikki na mangan ai bahat do hupangan. Hape bapa lobih bahatan dope. Gatni niakan/loheian ma bapa tikki ai. Malas uhur nuhurhu. Bahat do bapa tambo, indahan sonai homa ikan/lauk. Sonai homa sayuran. Tikki ai na magang do au i resort GKPS Menteng Indah Medan. Jadi duitku pe seng pala bahat. Tapi age pe sonai untuk mangan seng pala haru diri. Icukuphon Tuhan do kebutuhanku bani pangidangion i kuria-Ni. Mardomu hojon, ongga do au martonggo i Medan sonon : "Tumpaki Ham au bani pangidangion on Tuhan. Anggo gayuran do au mulak ma au hu huta. Amen." Tongon lang ongga au gayuran, hassi memang seng pitah sipanganon parjuanganta bani goluh on. Tapi naha pe sipanganan ai ma na mendasar/pokok/primer. Hahha!

Salosei hanami mangan mintor husittak ma dompetku. Laho mambayar sipanganon nami. Halani huingat dong dope duitku mar-20 ribu rupiah. Tapi mittor do ihatahon bapa hubakku : "Au ma manggalar ambia, dong pe duitku." Husukkun ma ia : "Ai sukkup do gatti duit ni ham?". "Sukkup do!" nini bapa tikki ai. Okelah nuhurhu.Salpu mangan pakon mambayar sipanganon nami, pamit ma bapa laho mulak hu huta Marubun Lokkung. Lanjar hutoruhkon ma ia hu terminal bus Lubuk Pakam. Naik angkot na han Pancurbatu do nami naik han Simpang Marindal. Ongkos tikki ai hirahira Rp 3.500,00.

Lang pika dokah dobhonsi das i Pakam, au pe pamit ma halani laho marsermon ma au hu GKPS Namorambe atap GKPS Tangkahan do ra tikki ai. Husalami bapa lanjar husuyukkon duitku salembar hu kussangni. Mase? Halani haru au lang sukkup holi ongkosni naik motor Gunung Meriah.Tapi naha do tanggapanni bapa?. "Lang pala ambia, e!" nini bapa hubakku. "Baen ham ma" nikku. Lanjar pamit ma au.

Refleksi singkat : Parlobei, seng ongga na botoh bapa lang marduit, age memang sali-sali tudu lang marduit ia. Age otik ibagini do. Tapi ai ma homa, anggo tudu bahat duitni, misalni tudu ijaloni gaji ke-13 ra do ia mamboli sipatu na mahol. Anggo sonon manggila ma inang Sangap Sipayung hubani bapa. Tapi ai ma tongon sipatu ni piga-piga puluh tahun ma ai. Sada do hassa sipatuni. Sipatu na sada ai ma ireparasi ni piga-piga hali anggo mulai ma maseda hu tukang sipatu i Lubuk Pakam. Gati do ia manggattih tapak ni sipatu. Sebetulni hemat do bapa ondi. Paduahon, Tuhan Yesus pe akrap do pakon parsoalan na marrup mangan. Gariada, peristiwa na dohor hubani Kebangkitan ni Yesus aima marurup mangan i pantai sonai homa i salah sada rumah i Jerusalem. Yesus hadir bani na marurup mangan na ibagai atmosfir sukacita dan syukur. Hendra Purba.

Catatan : Hendra Purba adalah anak ketiga dari Bapak St Zakaria Purba. Bapak Zakaria Purba semasa hidupnya pernah menjabat sebagai Pengantar Jemaat GKPS Marubun Lokkung (beberapa periode), Perutusan Synode Bolon GKPS Resort Marubun Lokkung dan Kepala SD Negeri Marubun Lokkung. Beliau kembali kepangkuan Tuhan pada bulan Mei 2006 karena komplikasi penyakit.