Songon hasomanta na i huta, hita natading i kota pe ra do homa martenggen. Martenggen dalam artini minum-minum alkohol sambil marsahapi martukar pikiran, tapi lang pala sai mabuk.
Dua minggu nasalpu, iarahkon hasoman halak Jepang nakebetulan training i kantor nami ma hanami minum alkohol i restoran Jepang i Jakarta. Takei-san (Pak Takei) goranni kawan on, hun perusahaan Mitsui, Singapura. Iarahkonni do 3 halak nari kawan ni hun Mitsui Indonesia, anjaha 3 halak nami han kantor, total 7 halak.
Laho ma hanami hu Restoran Goemon i gedung Wisma Kyoe Prince, Jl.Sudirman, Jakarta. Ibere petugas restoran ma hundulan namirip lesehan, hundul bai dasor, tapi itongah ni dong do lubang ianan ni nahei, jadi lang pala hundul manloppit nahei. Itongah dong do meja ianan ni sipanganan pakon siinuman.
Menu partama na roh aima bir dingin, mar-toast (bersulang) ma nami, baru minum. Rup ma mangkatahon "kampei". Segar do salian. Dob ai roh ma panganan-panganan kecil songon assimun na isayati, sayur-sayuran pakon nalain, tapi hanupan ibagas inganan na etek do salian, sekitar 2 sendok makan bahat ni bai tiap jolma. Sambil marbuali ma hanami torus, marsampur bahasa Indonesia, Inggris pakon Jepang. Lang piga dokah, rohma sate daging ayam na isayati baggal-baggal, pakon habong ni manuk aima, ampakon sate telur puyuh. I selang-seling ni daging bai tusukan sate ai, dong do batang batang songon sangge-sangge ibaen sidea. Siap ai, roh man makanan khas ni Jepang, aima sushi pakon sashimi. Sushi aima indahan marbumbu pakon potongan ni ikan na ibalut bai sejenis bulung-bulung, ibaen songon potongan ni lomang. Anggo sashimi aima ikan segar na matah, isayati tipis-tipis. Bahat do ikan na boi ibaen jadi sashimi, deba ma ai ikan tuna, salmon, udang, pnl, na penting segar. Bumbuni ibaen ma kecap hitam pakon siak ni Jepang (wasabi). Dong do halak namangkatahon, pintar-pintar pe halak Jepang na ipengaruhi makanan ni sidea do nabahat makanan laut na segar, terutama ikan. Sedih do namin diri mambogei asal ni ikan tuna on. I laut Indonesia do ikan tuna on itakkap, terutama i Laut Maluku, Halmahera pakon Laut Cina Selatan. Dob ai ikapalhon hu Jepang ibagas peti es pendingin (freezer). Dob das i Jepang, deba ma ai ikirim marpesawat hu Indonesia, ai ma na i meja nami on. Mase ma lang langsung lah tene. Sebagai makanan ringan ni, roh ma gorengan gadung julur, sukun, siak baggal, pnl, na igoreng marbalut topung, aima tempura. Halani kelas sada do ra homa minak goreng na ipakei, enak anjaha borsih do gorengan ai.
Mulai ma panas, roh ma minuman utama, aima sake. Sake on minuman khas ni Jepang, ibaen humbani boras kelas satu. Songon na i fermentasihon ma ra ai songon hita mambaen tape sipulut. Lihou do rupani (bening) anjaha morum. Minum sake on dong dua cara : dingin pakon hangat. Halani nami minum na dingin do, ituanghonma sake on humbani botulnu hubai serek kaca khusus, na itongah ni dong ianan ni es batu, tapi lang marsada es ai pakon sake ai. Golas minum ni etek-etek do songon loki, sada sahalak. Minum ma torus. Mapogih do tongon.
Anggo halak Jepang minum, lang mangan indahan. Tapi iujung ni acara boi do ipesan mi khas ni Jepang, aima syoba. Enak do salian mi ni on, ringan dan tawar (plain), ihidangkon dingin. Sebelum mulak nami, ibere par-restoran ma es krim sebagai hidangan panutup. Arigato gozaimasu, tarima kasih. MP.
