Minggu siang tanggal 24 Mei 2009 na salpu, laho do hanami piga-piga par Togur na i Jakarta martandang hu rumahni hasoman sahuta, Keluarga Sarjono Saragih i Bogor. Mikael Purba, Benni Purba, Bertha br Purba, Juniar br Purba pakon sada hasoman hun Tiga Jugar, Nita br Sembiring. Hun Pasar Minggu, masuk ma hanami hu Jalan Tol TB Simatupang torus hu Jalan Tol Jagorawai, kaluar i Cibinong. Han Cibinong on, lang pala daoh be rumah ni sidea manlewati komplek Pemda Kabupaten Bogor.
Lae Saragih on panogolan ni Sigumonrong do homa, aima niombah sietekan ni Bapa Alm Totap Saragih/Inang Ikut br Purba Sigumonrong hun huta. Marjabu do lae on pakon ito Rukiah br Purba na hun Medan/Sidikalang, anjaha domma dong sada anak dalahi marumur 2,5 tahun itongah jabu ni sidea (Krismanuel Saragih).
Songon na lang mamuji, termasuk hebat do homa perjuangan ni lae on. Ia termasuk sada pendirita cacat (berjalan timpang, karena kaki kiri lebih kecil dan lebih pendek dari kaki kanan). Marhiteihon dong proyek ni Departemen Sosial hinan roh mandarami na cacat hu daerah, tarpilih ma ia. Ididik Departemen Sosial ma lobei sidea marsataun i Bogor, dob ai baru ma itempathon hu lapangan kerja. Sonari lae on marhorja i pabrik spare part ni sepeda motor i Bogor. Pandei do hame lae on marmusik pakon mambaen sipanganan (manuk binatur, singsang ni Simalungun, pnl)
Sehat do sidea sakeluarga ijuppah nami, hassi pe si Krismanuel batuk-batuk. Dob hussi marbuali, rup ma hanami laho mardalani hu komplek wisata keluarga/kerajinan tas dan sepatu PT.SKI, i Tajur, Bogor. Sore, mulak ma hanami hu Jakarta. Malas uhur. MP.
Keterangan photo :
Atas : Ito br Purba, Krismanuel (digendong), Juni, Nita dan Lae Sarjoni Saragih i lobei rumah
Bawah : Persimpangan Jalan Tol TB Simatupang/Jagorawi dari Jakarta mau ke Bogor
