Sesuai hubani keadaan i kota na sipata mambaen jutjut (stress ?) pikkiran, paling lang sahali saminggu idarami kegiatan na boi manenanghon pikkiran mulak hussi horja bai bod ni ari. I Jakarta, jam kaluar kantor biasa ni jam 6-7 borngin. Hudarat hussi humbani gedung kantor, langsung ma berhadapan bani macet, bising pakon udara na kotor. Agepe sonai, maju torus, pantang mundur.
Salah sada kegiatan na boi ihorjahon aima mar- bola boling (bowling atap bola gelinding). Isamping manghibur pikkiran, loja do homa diri ibaen anjaha kaluar karingat. Sahali maen biasani 3-4 halak, hasoman sakantor. Cara maen ini aima manggulinghon bola bai jalurni (track) ase bola on holi boi mandabuhkon botul-botul (pin) na ipajong-jong i ujungni. Jumlah ni pin ai 10, isusun marbentuk segi tiga. Jarak ta humbani pin ai sekitar 15 m. Borat no bola ni isesuaihon bani kemampuan, 3-5 kg.
Margiliran do maen. Ibuatma lobei ancang-ancang sambil mankkatting bola marhitei mammasukkon jari-jari bai lubang ni bola ai. Manggoluh hussi lampu hijau, ber, langsung igulinghon. Dob ai itorih piga pin ai namadabuh ilanggar bola ai. Anggo boi ganupan namin, tapi anggo dong dope labe madabuh, ibere sahali nari kesempatan. Sipata ra mela nahojap, halani laho husamping bola ai, sada pelang pin ai madabuh. Poin ni, mittor i etong komputer do, anjaha taridah bai layar monitor. Pin-pin ai, ulakkon isusun komputer bai iananni, anjaha giliranni pemain berikutni. Sada game, dong 10 hali putaran (frame), anjaha 1 putaran nokkanai, boi 1-2 hali kesempatan manggulinghon bola. Maximum nilai atap score na boi idapothon berdasarhon sistem score aima 300. Untuk pemain na rata-rata kemampuanni, nilai biasani 120. Presiden Amerika Serikat Barack Obama menurut pengakuanni ibagas TV CNBC sanggah iwawancarai boi das 126.
Mekkel do deba jolma mangidah na mar-boling on. Pot loja-loja mangakkat bola nai borat ni. Tapi tene, ibaen nadong fokus bai taget (pin) ai, lang nahojaphon ai. Sonaima namin hita bai horjatta. Anggo fokus do hita bai tujuan akhir, lang nahojaphon na loja, anjaha pasti tekun dan bertahan do hita demi tujuan ai. MP
